MAKUH 9:43 - Cho Bible Common Language 2016

^43-44 Na kut naw na yum nak adi maih sak ung, cun ah kut cu na tukpit vai, na kut avan küm sei, angtäi ah däi ciah m’htei-mei ung, na luh akdam, na kut vangtäng pit sei angtäi ghin nak nagah cu bäpi khai.

MAKUH 9:43 Referans Kwoze

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

MATTHE 3:12

Akut ung htang akchü nak vai ah chüdawn kawt ci. Amät ah geitkaw gui cu khäm yawp netah htang ang tak gui cu khei ung thun yawp khai. Ang shi gui läi cu m’sih ne käm khüt vai ah mei awn m’khih yawp khai,” cine m’thein gui ci.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

LUKA 14:13

Cun ah kyasei khin chah nak pawi na bi law ung; ghawipyam ci gui, akut khaw ng’khem ci gui, amik hna kak ci gui, khü gui ne na tumbei gui vai.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

1 KORIN 9:27

Kei naw chang gui ng’längna tuk khai gui ah khü gui netah, ka mät kä ka k’pawih en shüt vai ah, ka pumsa cu liu ne guh khai ah khüi ne ka ng’lüm ci nei.

LUKA 14:21

Ak chang tüih cu law ba ne, acun gui avan cu im mah-am m’thein law ba ci. Im mah cu m’lungshe netah, “Lam kyum lam k’cawh, k’htawk-kem yung ah hteit ne, ghawipyam ci gui, akutkho ng’khem ci gui, amik hnga kak ci gui, khü gui ne law püi gui ä,” ci ne tüi ba ci.

ISAIAH 1:31

Khuchawng cu mei m’ghi naw a uih ah mäih ah, huham mah aih ciah chang cu amät ah amshe nak naw m’di khai, cun ah m’dimshum nak cu a u naw kä ng’düm sak htawt khai.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

MATTHE 17:27

Cun ung phi ngami kä a mi m’lung she vai ah, tuili ah hteit ne nga vam htuih ä. Ngah na pha ung na pha ma ah m’gawng cu m’aan ne na teng vai. Acun ung tangka tumat na hmuk khai, cun cu kei la nang ah hmawk ah büh khai kyasei, la ne pum im khawn ah nam cu vai,” cine m’cäi ci.

LUKA 3:17

Ani naw alo ma ah geit khäm ne chüdawn awn chü netah, ang tak cu khei ah thun ne, ang shi cu kä phät hlawt ciah mei awn m’khih khai.