MAKUH 9:32 - Cho Bible Common Language 2016

³² Cun ung phi ang düihpüi gui naw, Bawipa Jesuh ah m’theithang cu kä hmat ci gui, cun ung phi ami ng’shi vai ah kyik ci gui.

MAKUH 9:32 Referans Kwoze

LUKA 18:34

Cun ung phi ang düihpüi gui naw, ani ah ng’thu cu api phi kä hmat ci gui. Bawipa ah ng’thu cu thuuk aih ne, ng’yih khätah, ngami naw kä hmat hlawt ci gui.

LUKA 9:45

Cun ung phi ang düihpüi gui naw kä hmat ci gui. Shin ah ng’thu cu kä ami hmat vai ah ng’yih ci, cun ung phi Bawipa Jesuh cu kä ng’shi veing ci gui.

LUKA 2:50

Cun a cicu ngami naw kä hmat ci gui.

JOHAN 16:19

Bawipa Jesuh naw ami ng’shi hlü hmat netah, “Kä shou pha sei kä nami na hmu law ba khai, cun kawn ah kä shou pha sei nami na hmu law ba khai” ka ciah mawng ang pyein ne nami ng’htau.

JOHAN 12:16

Ang düihpüi gui naw akhtük ung shin ah cacim cu kä hmat ci gui. Bawipa Jesuh ah bämang nak ang dang law kawn ah shin ah cacim naw Bawipa ah mawng a pyein la, Bawipa ah hmawk ah ngami ah bilawh gui cu shüm hmat lawk ci gui.

MAKUH 9:10

Ngami naw cun ah thu khän cu ami ngaih pang ung phi, “Sih nak ungka tho ba cicu a i ang” cine ami mät ng’shi ng’thäh tu ne ng’cengcäk ci gui.

JOHAN 4:27

Cun yah ung, Bawipa Jesuh ah ang düihpüi gui gawk law ba u ne, cun ah hnumi awn ani ng’thu cu hmu u netah, ang htei ah cäcat ci gui. Cun ung phi, nang hnumi a i nang ya hlük ci ang? Nang Bawipa a i vai shin ah hnumi nang thu püi ang? cine a u naw phi kä pyein ci gui.

LUKA 24:45

Cun kawn ah ang düihpüi gui naw cacim ami hmat vai ah ami m’lung cu hmawn pe gui netah,

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

MAKUH 8:33

Bawipa Jesuh naw ang düihpüi gui cu teng gui netah, Peter am, “Nang khoshe a hei ah hteit ä, nang ah ngaih-tüh cu Khanpughi ung ka lawk ciah kä kyak ci, chang ung ka lawk ciah kyak ci” cine k’she na ne m’cäi ci.

MAKUH 7:18

Bawipa Jesuh naw, “Nangmi shin hlawk hngaw kä nami hmat hlawt ci ma?