MAKUH 9:31 - Cho Bible Common Language 2016

³¹ A i ah kyasei ci ung, “Chang gui ah kut ung chang ah Htapa cu ap khai gui, ani cu ngawn khai gui, cun ung phi ak hnüüp thum hnüüp ung sih nak ungka tho ba khai” cine ang düihpüi gui-am am thei thang gui su ah kyak ci.

MAKUH 9:31 Referans Kwoze

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

MAKUH 9:12

Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?

MAKUH 8:31

Cun kawn ah Bawipa Jesuh naw ang düihpüi gui-am, “Chang ah Htapa cu yaica nak akda bui awt khai, chang ng’vaigui, taigüpa gui la thukhän saya gui naw hnu ng’tuk püi khai gui. Ani cu ngawn khai gui, cun ung phi ak hnüüp thum hnüüp ung tho ba ne ghing ba khai” cine m’thein thang gui ci.

LUKA 24:26

Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci.

MATTHE 26:2

“Ak hnüüp hnih nak ung phiawn nak pawi om khai ah nami hmat ci. Cun yah ung Chang ah Htapa cu kutlam tung ung tai ne ami ngawn vai ah ga ah kut ung ap khai gui nei,” cine pyein ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

JOHAN 3:14

Moses naw bungpuk ah ng’lawi awn k’phyu a tai ah mäih ah chang ah Hta cu m’düih ne tai nak om khai nei.

JOHAN 2:19

Bawipa Jesuh naw, “Shin ah pum im phi phye ne phlu vä, hnüüp thum ah kyong ung ka co ba khai nei” cik ci.

LUKA 9:44

“Chang ah Htapa cu chang gui ah kut ung ap khai gui nei, Cun cu kä nami m’hnih-en vai nei” cine ang düihpüi gui-am kyak na gui ci.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.