MAKUH 9:3 - Cho Bible Common Language 2016

³ A suisak cu pyü ne ng’shü ne bawk ne khang lawk ci, acun ah mäih ah bawk khai ah khomdek khanchang naw a u naw kä m’sumsäi hlawt khai.

MAKUH 9:3 Referans Kwoze

MATTHE 28:3

Ani ah müi cu kho alai läp ah mäih ah kya ne, ani ah sui cu khlüi toi ah mäih ah bawk ci.

DANIEL 7:9

Kei naw ka teng sangung mang im kyong ah mang kiang gui ka hmuk ci. Mang kiang tumat ung angtäi ghing ci tumat ngok ci. Ani ah suisak gui cu khüi ah mäih ah bawk ne, alu sam cu htome ah mu ah mäih ah kyak ci. Mei ah däi ciah ping gui ah khan ah mang kiang cu mei ah cang ci.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

SAM 68:14

Hlüngtai ciah Khanpughi naw ghangpughang gui ang pai sak nak gui ah Zalmon m’htung cu khüi toi ah be sak ci.

SAM 51:7

Ka katnak na k’seh pe ä, kei cu ka theing khai; Na m’si ä, khüi ah ta ka bawk pi khai.

THU PHLAAN 19:18

Law u ne ghangpughang gui, gabawi gui la gakap gui ah ami sa, ng’se gui la ng’se ung ng’cum ci gui ah ami sa, khleihtein khuimah, akyaw akdäm chang avan ah sa cu ei vä” cine m’lau ci.

MAKUH 9:4

Elijah la Moses cu dang law ni ne, Bawipa Jesuh awn a täng ah ng’cengcäk u sei, ang düihpüi thum gui naw hmuk ci gui.

LUKA 9:29

Ak taigü yah ung a müi hmai cu ng’khuk hlat ne, asuisak phi a bawk ah pyü ne khang lawk ci.