MAKUH 9:26 - Cho Bible Common Language 2016

²⁶ Khoshe cu m’lau ne, ak hmaw cu ng’tum ne ng’thüng khai ah ng’khlet sak netah, lut law ne a hei ah hteit ci. Cun ah ak hmaw cu aksi vai sü ah ng’yän sei, chang gui naw, “Ak hmaw sik ci nei” cik ci gui.

MAKUH 9:26 Referans Kwoze

MAKUH 9:20

Cun ah ak hmaw cu a pei ah law püi ci gui. Khoshe naw Bawipa Jesuh a hmuh vai-am, ak hmaw cu ci cun law ba sei, ani cu ng’tum ne ng’khlet ne, am shi phawp hmoh ne, m’dek ung kyu ne ng’yän ne ng’taih shüi shüi ci.

MAKUH 1:26

Khoshe naw chang cu ng’tum ne ng’khlet khai ah ghu shüt netah, ng’shan sei m’lau ne lut law ne hteit ci.

THU PHLAAN 12:12

Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.

MAKUH 9:18

kiuh ne ng’yän ne, am shi phawp gui lut law sei, a ha kyeet ne, kiai ne ng’yän ci ci nei. Nang ah nang düihpüi gui naw cun ah khoshe cu ami k’täm vai ah khü gui ung phi, ngami naw käm khüt ci gui nei,” cine ng’yawi ne pyein ci.

PHYAWN NAK 5:23

Ghangpughang ah hteit ne nang ah hmawk ah ng’thu ka pyen ung tün ne, ani naw shedam na gui ci nei. Cun ung phi nang naw api ah phi kä na m’htei gui ci” cik ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MAKUH 9:25

A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.

MAKUH 9:27

Cun ung phi Bawipa Jesuh naw, ak hmaw cu a kut ung k’pang ne m’tho sei tho law ba ci.