MAKUH 9:25 - Cho Bible Common Language 2016

²⁵ A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.

MAKUH 9:25 Referans Kwoze

LAMKTU 16:18

Cun ah hnumi hta cu kho hnüüp akda ung acun cine ng’hawh laih laih khä tah, Paul cu am lung kä ni law sei, cun ah chang cu ng’hlah shi netah, “Jesuh Khrit ah ming awn kei naw ka ning k’täm ci, shin ah hnumi ungka lut law ne a hei ah na hteh vai” cine khoshe cu k’täm ci. Acun vai am khoshe cu lut law ne a hei ah hteit ci.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

MAKUH 9:15

Chang gui cu Bawipa Jesuh a law ba hmu u netah cäicat u ne, yavaih ne ana dou ci gui.

MATTHE 17:18

Bawipa Jesuh naw ak hmaw ungka khoshe cu täm khätah khoshe cu dawng sei, acun vai-am ak hmaw cu gai ci.

JUDE 1:9

Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

LUKA 11:14

Bawipa Jesuh naw, chang awng-ang ungka khoshe k’täm sei, khoshe a dawng kawn ah cun ah chang cu ng’thu law thei ci.

LUKA 8:29

Cun ah a pyein cu Bawipa Jesuh naw ani ung om ciah khoshe a dawng vai ah aktäm ah hmawk ah kyak ci. Ani cu khoshe naw akda vei a kai man ah kyak ci. Ani cu a kut khaw avan m’si gui awn khit ne ami k’pawn ung phi, m’si gui kaih pit pit ne khoshe ah khah püi nak, bung puk ah hteit ci man ciah kyak ci.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

LUKA 4:35

Bawipa Jesuh naw khoshe cu huuttaap ge ne, “Khoshe, kä chawkchek ne, shin ah chang ungka lut law ne, a hei ah hteit ä” cine k’täm ci. Acun vai-am, ami ma ge ung khoshe cu, chang a i ah phi kä plawh kheih shüt ah lut law ne dawng ci.

ZEKHARIAH 3:2

Bawipa ah khanchang naw Satan am, “Satan, nang cu Bawipa naw ning m’kyuk sä! Jerusalem m’hni ciah Bawipa naw ning m’kyuk sä. Shin ah chang cu mei bum ungka lak ah mei tawn ah mäih ah kyak ci nei” cine kyak nak ci.

MATTHE 12:22

Khoshe naw kai sei a i kä hmu ba ne, kä ng’thu ba hlawt ciah chang tumat cu, chang gui naw Bawipa Jesuh ah law püi ci gui. Bawipa Jesuh naw khoshe k’täm khätah cun ah chang cu, amik m’dei ba sei ng’thu law ba thei ci.

MAKUH 9:24

Acun vai-am ak hmaw ah pa naw, “Kei naw akcang ah a yum ci nei, ka yum nak kä be ci kya sei, nam gein tu hta ä” cine m’lau ne ng’paa nak ci.

MAKUH 9:26

Khoshe cu m’lau ne, ak hmaw cu ng’tum ne ng’thüng khai ah ng’khlet sak netah, lut law ne a hei ah hteit ci. Cun ah ak hmaw cu aksi vai sü ah ng’yän sei, chang gui naw, “Ak hmaw sik ci nei” cik ci gui.