MAKUH 9:24 - Cho Bible Common Language 2016

²⁴ Acun vai-am ak hmaw ah pa naw, “Kei naw akcang ah a yum ci nei, ka yum nak kä be ci kya sei, nam gein tu hta ä” cine m’lau ne ng’paa nak ci.

MAKUH 9:24 Referans Kwoze

LUKA 17:5

Ang düihpüi gui naw, Bawipa-am, “Kami yum nak na hlüngtai sak gui ä” cik ci gui.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

2 THESSALONIAN 1:11

Cun ah a mawng ung nangmi ah hmawk ah keimi angtäi sei kami taigü ci. Khanpughi naw a ning khü gui ah mäih ah nami ghin om hning vai ah keimi naw Khanpughi ah kami ning yoih thäh pe guici nei. Ni kyom nak vai ah nami ng’yak hlü avan cu a hlüngtai nak awn ning kümbe sak gui ne, yum nak awn nami bilawh gui nüng phi ning kümbe sak gui sä.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

PHILIPPIAN 1:29

Nang mi cu ani nami yum nak bäng awn ah kä kyak ciah ani ah hmawk ah yaica nak nami gah nak awn Bawi Khrit ah khuut bi nak vai ah a khin k’ni cu nami gah ci.

SAM 126:5

Ang phli li sei geit m’shi phu ci gui Yeikyai ne khäm ba khai gui!

2 KORIN 2:4

Kei cu ang htei ah thüisei yaica ne, ng’phli tui awn cun ah ca cu ka guk nei: Cun cu nami thüi nak vai ah kä kyak ci Nangmi naw a i hlawk ah ka ning m’hni gui nami hmat nak vai ah ka guk ah kyak ci.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

2 TIMOTHI 1:4

Nang phlitui ali cu shüm ba ne ang htei ah ka ning hmu hlük ci nei. Nang ka ning hmuh ung kei cu yei nak awn ka be khai nei.

LUKA 7:44

Bawipa Jesuh naw, “Nang ah ngaih cu hman ci nei,” ci nak ci. Cun kawn ah hnumi lam ah ng’hlat netah, Simon-am, “Shin ah hnumi na hmuk ci ang? Kei cu na im kyong ah ka luh law yah ung khaw m’si nak vai kä na na pek ci. Cun ung shin ah hnumi naw ang phli tui awn ka khaw nam si ne, alusam awn ghu pyi ci nei.

LUKA 7:38

Ang phli tui gui cu Bawipa Jesuh ah kho khan ah yu hteu khätah, alu sam awn ghu ba ci. Cun kawn ah a khaw cu ng’ui netah tuing’ui awn hluk pek ci.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

HEBRU 12:17

Nami hmat ah mäih ah, ani cu a ngawi ah apa ah m’shumphyuk nak cu ng’ya ba hlük ci. Cun ung phi kä gah ba hlawt ci, a i ah kiasei ci ung, ani naw chei khai ah abi pyii, a pyan nak ba vai ah lam cu, ang phli tui lut law sei shui ne phi kä hmu hlawt ci nei.

LAMKTU 10:19

Peter naw amik hmuh ah mawng a ngaih-tüh khit sang ung, Mumcha Theing naw, “Chang thum naw ning shui lawk ci gui nei,

MAKUH 9:23

Bawipa Jesuh naw, “Nam khüt hning vai a kyak ung cine a i ah kyasei na pyein ang? A yum nak om ciah chang naw kä am khüt a i kä om ci” cine pyen nak ci.

MAKUH 9:25

A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.