MAKUH 9:23 - Cho Bible Common Language 2016

²³ Bawipa Jesuh naw, “Nam khüt hning vai a kyak ung cine a i ah kyasei na pyein ang? A yum nak om ciah chang naw kä am khüt a i kä om ci” cine pyen nak ci.

MAKUH 9:23 Referans Kwoze

JOHAN 11:40

Bawipa Jesuh naw, “Nang naw na yum ah a kyak ung Khanpughi ah bämang nak na hmuk khai nei, cine ka pyein ciah kä kya ne ma? cik ci.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

MAKUH 11:23

Kei naw akcang ka pyein cu, kam lung kyong ah kä ngaih gep nak kä om ciah kang thu cu, akcang ah bä khai, ciah yum ciah chang naw, ‘Shin ah m’htung cu ng’nawn ne tuinu ung lut sä’ ci ne a pyein ung, a pyein ah mäih ah kyak khai nei.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

2 SHONTÄP NAK 20:20

A ngawi ung khaw ngawi hta chang gui cu Tekoa ah pei khawbung ah hteit ci gui. Ngami ami tün law yah ung Jehoshaphat naw shin ah ng’thu pyen na gui ci: “Judah la Jerusalem chang gui! Nami Khanpughi Bawipa cu ngaih u vä. Nangmi khäng sei nami ng’düi khai nei. Ani ah prophet naw a ning m’thein gui päng yum vä, nami näng khai nei.”

LUKA 17:6

Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

LAMKTU 14:9

Ani cu Paul ah ng’thu pyein ngoh ne ngai tuk ci. Paul naw ani cu kheing ne teng ne, anat nak a maih nak hlawt vai ah a yum nak a om cu hmu netah,

MAKUH 9:22

Khoshe naw ak hmaw asih vai ah, mei ung phi, tui ung phi akda vei luh sak ci nei. Nang Bawipa naw nam khüt hning vai a kyak ung nam gein gui ne nam htei tu pe gui ä” cine pyein ci.

MAKUH 9:24

Acun vai-am ak hmaw ah pa naw, “Kei naw akcang ah a yum ci nei, ka yum nak kä be ci kya sei, nam gein tu hta ä” cine m’lau ne ng’paa nak ci.

MATTHE 14:29

Bawipa Jesuh naw, “Law ä,” ci khätah Peter cu hleiko ung kaa kyum law ne, Bawipa Jesuh ah hteit khai ah tui ung ana a pawng vük ci.