MAKUH 9:2 - Cho Bible Common Language 2016

² Cun ung ka naw hnüüp chuk lüng khätah Bawipa Jesuh naw, Peter, James la Johan ni bäng khah püi gui ne, hlüng ciah khomhtung ah kai püi gui ci. Acun vai-am ami hmuh ge ah Bawipa Jesuh ah müi hmai cu ng’khuk hlat lawk ci.

MAKUH 9:2 Referans Kwoze

ISAIAH 33:17

Nangmi naw khaw khäm ne, khaw cawi avan ung gawk kaai ah bämcam ne uk ciah ghangpughang cu nami hmu law ba khai nei.

MAKUH 5:37

Cun kawn ah Peter, James la anau Johan gui bäng khah püi gui ne hteit ci.

MAKUH 14:33

Cun kawn ah Peter, James la Johan ni gui cu, a hteh nak ah khah püi gui ci. Bawipa Jesuh cu ang htei ah yaica ng’ä ng’ai netah,

PHYAWN NAK 24:13

Moses la ani bawm ciah Joshua cu pawng ge ni neta, Moses cu m’htung theing ung hang kai vük ci.

2 KORIN 13:1

Tuhbäi kei cu ak thum vei nak ah nangmi ah ka lawk khai nei. Cacim naw, “Amawng ama phung cu chang hnih thum a saksi ung vah m’khoichaa vai” ciah pyein ci.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

1 GHANGPUGHANG GUI 18:42

Ahab ei ei khai ah a hteh sangung, Elijah cu Karmela M’htung lai ah kai neta, am’khuuk goi ah ng’lak ung alu m’hluh ne, m’dek ung kawp ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

MAKUH 16:12

Cun kawn ah ang düihpüi pahnih cu pigaw yung ah ani hteh yah ung, Bawipa Jesuh cu amüi agü a hlü ah kya ne ani ma ah dang lawk ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

MATTHE 14:13

Cun ah a mawng gui cu Bawipa Jesuh naw ng’ya hetah, amät bäng hleiko awn ading gei nak ah hteit ci. A pigaw päng ung chang gui naw, Bawipa Jesuh ah a hteh cu ng’ya u netah, kawnglam ung hteit ne läk ci gui.

1 GHANGPUGHANG GUI 18:33

Cun kawn ah ani naw sonkiang khan ah sing taih ci, vantang cu m’sa neta sing ah khan ah taih ci. Cun kawn ah ani naw, “Nami hlüng gui phli cu tui k’be u neta, douthak nak la sing ah khan ah yuk shawi vä” cik ci. Ngami naw acun ah bi u khäta,