MAKUH 9:18 - Cho Bible Common Language 2016

¹⁸ kiuh ne ng’yän ne, am shi phawp gui lut law sei, a ha kyeet ne, kiai ne ng’yän ci ci nei. Nang ah nang düihpüi gui naw cun ah khoshe cu ami k’täm vai ah khü gui ung phi, ngami naw käm khüt ci gui nei,” cine ng’yawi ne pyein ci.

MAKUH 9:18 Referans Kwoze

MAKUH 11:23

Kei naw akcang ka pyein cu, kam lung kyong ah kä ngaih gep nak kä om ciah kang thu cu, akcang ah bä khai, ciah yum ciah chang naw, ‘Shin ah m’htung cu ng’nawn ne tuinu ung lut sä’ ci ne a pyein ung, a pyein ah mäih ah kyak khai nei.

MAKUH 9:26

Khoshe cu m’lau ne, ak hmaw cu ng’tum ne ng’thüng khai ah ng’khlet sak netah, lut law ne a hei ah hteit ci. Cun ah ak hmaw cu aksi vai sü ah ng’yän sei, chang gui naw, “Ak hmaw sik ci nei” cik ci gui.

MAKUH 9:20

Cun ah ak hmaw cu a pei ah law püi ci gui. Khoshe naw Bawipa Jesuh a hmuh vai-am, ak hmaw cu ci cun law ba sei, ani cu ng’tum ne ng’khlet ne, am shi phawp hmoh ne, m’dek ung kyu ne ng’yän ne ng’taih shüi shüi ci.

MATTHE 17:16

Ani cu nang düihpüi gui ah hteh püi ung phi kä gai sak hlawt ci gui nei,” cine pyein ci.

LAMKTU 7:54

Judah kawngsi ng’vai gui cu Stephen ah ng’thu ng’yah u netah ami ha htui neh m’lung k’she ci gui.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 8:12

Cun ung phi uknak kho ung khai shi ah chang gui läi cu thüi kyah nak, ha htui ne geinvai nak ah ak pung lam kho hmüp khui ah k’täm gui khai,” cine pyein ci.

JOB 16:9

Khanpughi naw m’lungshe neta kei cu na shum sak ci nei. Ani naw kei cu thüisei ne ang küi ah na teng ci nei.

MAKUH 9:17

Chang khli ah ng’lung ah ka chang tumat naw, “Bawipa, ka hta cu nang ah om nak ah ka law püi ci nei, khoshe naw a kai law ba päng ung,

MAKUH 9:19

Bawipa Jesuh naw, “Nangmi cu a i hlawk ah a yum nak kä om ciah chang gui ang? Kei cu nangmi awn a täng ah a i güt ka om vai ang? A i güt nangmi ka ning ngaih peit gui vai ang? cun ah ak hmaw kei ah om nak ah law püi vä” cine kyak na gui sei,