MAKUH 9:17 - Cho Bible Common Language 2016

¹⁷ Chang khli ah ng’lung ah ka chang tumat naw, “Bawipa, ka hta cu nang ah om nak ah ka law püi ci nei, khoshe naw a kai law ba päng ung,

MAKUH 9:17 Referans Kwoze

LUKA 11:14

Bawipa Jesuh naw, chang awng-ang ungka khoshe k’täm sei, khoshe a dawng kawn ah cun ah chang cu ng’thu law thei ci.

MAKUH 9:25

A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.

JOHAN 4:47

Ani naw Bawipa Jesuh cu Judea kho ah kaa, Kalile kho ah a law ba hmat netah, Kapernaum gawnu ah law ne, si lawge vai ne gaw ciah a hta cu am gai ba vai ah khü lawk ci.

LUKA 9:38

Chang gui ah ng’lung ah kaa tumat naw, “Bawipa, Kahta na teng law tu peä, tumat hta bäng ah ka hta nei, khoshe naw kai sei, akten ah m’lau ci ci.

MAKUH 10:13

Chang amshah gui naw ak hmaw hta gui cu, Bawipa Jesuh naw ami khan ah a kut taih ne m’shumphyuk nak a peit gui vai ah law püi ci gui. Cun ung phi ang düihpüi gui naw ma na gui ci gui.

MAKUH 7:26

Ani cu Siria kho Phoenicia gawnu ungka Karik hnumi ah kiak ci. Ani naw a hta hnumi ungka khoshe cu, Bawipa Jesuh naw ak täm peit vai ah law ne ng’huipa ci.

MAKUH 5:23

Ani naw Bawipa Jesuh cu hmu netah, akho pei ah kawp ne, “Kei ah ka htahnumi hta cu gaw ne si law ge vai ci nei, na bä ni, law ne ak khan ah na kut taih ne, nak taigü law pe ä, cun ung gai ba ne ghing ba khai nei” cine ng’huipa ne ng’yoi ci.

MATTHE 17:15

“Bawipa, ka hta cu nam gein pe ä, ani cu mangtak ne, a shäng shäng tui ung phi lut ci, mei ung phi lut ci ci nei.

MATTHE 12:22

Khoshe naw kai sei a i kä hmu ba ne, kä ng’thu ba hlawt ciah chang tumat cu, chang gui naw Bawipa Jesuh ah law püi ci gui. Bawipa Jesuh naw khoshe k’täm khätah cun ah chang cu, amik m’dei ba sei ng’thu law ba thei ci.

MATTHE 9:32

Ngahni ani hteh ba kawn ah chang gui naw khoshe naw kai sei, ang ciah chang tumat cu Bawipa Jesuh ah law püi ci gui.

MAKUH 9:16

Bawipa Jesuh naw ang düihpüi gui-am, “Nangmi cu ngami awn a i ah mawnglam ang thu nami pyein?” cine ng’shi gui ci.

MAKUH 9:18

kiuh ne ng’yän ne, am shi phawp gui lut law sei, a ha kyeet ne, kiai ne ng’yän ci ci nei. Nang ah nang düihpüi gui naw cun ah khoshe cu ami k’täm vai ah khü gui ung phi, ngami naw käm khüt ci gui nei,” cine ng’yawi ne pyein ci.