MAKUH 9:12 - Cho Bible Common Language 2016

¹² Bawipa Jesuh naw, “Apäng avan cu ana pyang m’tham ma khai ah Elijah cu akcang ah kyum law ma khai. Cun ung phi cacim naw, “Chang ah Htapa cu yaica nak la shedam nak khan khai” cine a i ah kyasei a pyein ang?

MAKUH 9:12 Referans Kwoze

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

ISAIAH 52:14

Chang akda cu ani hmu u neta cat ci gui; Ani cu sheshui düt ne kyak ci kya ne, Chang ah mäih phi kä law ba ci.

LUKA 23:11

Herod la agakap gui naw phi, Bawipa Jesuh cu, päipih ne shedam nak ci gui. Cun kawn ah aktung ah m’sui m’sak netah Pilat bawi ah tüi ba ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

LUKA 1:76

“Nang, kei ah chang hmaw, a hlüngtai säih Khanpughi ah profet ah ning khü vai nei. Nang cu Bawipa ah ma ung law ne, ani ah hmawk ah lam na pyang khai.

MALAKHI 4:6

Kei naw law ne nami khaw kä ka m’di vai ah, ani naw pa gui la ami hta gui cu kawng ät ba sak gui khai” cik ci.

LUKA 23:39

Kutlamtung ung ami tai goi ah changshe hnih ungka tumat naw, “Nang cu Messiah ah kä na kya ne ma? Na mät phi hun ne, keini phi na hun tu goi ä hawya!” cine päipih ne pyein ci.

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

ZEKHARIAH 11:13

Bawipa naw kei am, “Taigüim ah m’küm ung gim ä” cik ci. Cun ah kyasei kei naw ngui thumkip cu la neta-ngui akda ka tak ciah ami na ngaih ah mäih ah — Taigüim m’küm ung ka gim ci.

SAM 74:22

Tho law, Khanpughi, na mät ah mawng cu shung vong ä! Ak hnüüp tä sei changshe gui naw ami ning gaih m’gin cu shüm hmat ä.

MAKUH 9:13

Elijah cu kyum law pyi ci nei, cacim ung lawk ciah mäih ah chang gui naw ani cu, ami ci-cum hlü hlü ah ci-cum pyi ci gui nei, cine nangmi-am ka ning m’thein gui ci,” cine kyak nak gui ci.

MAKUH 9:31

A i ah kyasei ci ung, “Chang gui ah kut ung chang ah Htapa cu ap khai gui, ani cu ngawn khai gui, cun ung phi ak hnüüp thum hnüüp ung sih nak ungka tho ba khai” cine ang düihpüi gui-am am thei thang gui su ah kyak ci.

MAKUH 10:33

Bawipa Jesuh naw, “Ngai vä mikmi cu Jerusalem ah mi hteit lawk ci. Jerusalem kho ung chang ah Htapa cu, taigüpa gui la thukhän saya gui ah kut ung ap lawk khai gui nei. Ngami naw chang ah Htapa cu sih nak ung tüi u ne, chang khui hei gui-am ap khai gui nei.

LAMKTU 1:6

Ang düihpüi gui cu ng’bum law u ne tah, “Bawipa, shin ah khin cu Israel chang gui am ami khaw na ap nak ba gui vai ah akhin ah kiah ne ang?” cine ng’shik ci gui.

LAMKTU 4:11

Jesuh Khrit cu: “Lung im nami cawh ung nami nawng shüt ah lung cu, ak kui kyang pi bäih ah lung ak tung ah kiah lawk ci” ciah ca ng’cim ah pyein cu Bawipa Jesuh, ah kya ci.