MAKUH 9:10 - Cho Bible Common Language 2016

¹⁰ Ngami naw cun ah thu khän cu ami ngaih pang ung phi, “Sih nak ungka tho ba cicu a i ang” cine ami mät ng’shi ng’thäh tu ne ng’cengcäk ci gui.

MAKUH 9:10 Referans Kwoze

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

JOHAN 12:16

Ang düihpüi gui naw akhtük ung shin ah cacim cu kä hmat ci gui. Bawipa Jesuh ah bämang nak ang dang law kawn ah shin ah cacim naw Bawipa ah mawng a pyein la, Bawipa ah hmawk ah ngami ah bilawh gui cu shüm hmat lawk ci gui.

MAKUH 9:32

Cun ung phi ang düihpüi gui naw, Bawipa Jesuh ah m’theithang cu kä hmat ci gui, cun ung phi ami ng’shi vai ah kyik ci gui.

MATTHE 16:22

Peter naw Bawipa Jesuh cu a pei ah khü netah, “Bawipa, na pyein gui cu akcang ah kä ah bä-en vai ah, Khanpughi naw shungshet sä. Nang Bawipa cu acun ah a mawng ama gui-awn, a i yah ung phi kä bui awt-en ä,” cine pyein ci.

ATÜNNAK 37:11

A phäi gui ami van naw m’thüi nak ci gui. Cun ung phi apa naw cun cu m’hnüt ci.

MAKUH 9:9

Cun kawn ah Bawipa Jesuh la ang düihpüi gui cu khomhtung khan ah kaa kyum law ba ci gui. Cun ah ami kyum law ba yah ung Bawipa Jesuh naw, “Nangmi naw tuhbäi nami hmuh cu, chang ah Htapa sih nak ungka kä a thawh ba pha ah chuih, a u-am phi kä nami m’thein-en vai” cine ang düihpüi gui cu khän ne m’cäi gui ci.

MAKUH 9:11

Cun kawn ah thukhän saya gui naw, Bawipa Jesuh cu, “A i ah kyasei Elijah kyum law ba khai cine ami pyein ang” cine ng’shik ci gui.