MAKUH 9:1 - Cho Bible Common Language 2016

¹ Cun kawn ah Bawipa naw, “Kei naw akcang ka pyein cu, hlüngtai nak awn Khanpughi ah uknak kho gawk law sei, kä ami hmuh phaa ah chuih, shin ah kho ung om ciah chang amshah gui cu kä sik khai gui nei” cine kyak na gui ci.

MAKUH 9:1 Referans Kwoze

LUKA 9:27

Kei naw nangmi-am akcang ka pyein cu, shin ah kho ung chang am shah cu Khanpughi ah uknak kho kä mi hmuh pha ung kä sik khai gui nei” cik ci.

HEBRU 2:9

Cun ung phi mikmi ah hmuh cu, Khanpughi ah m’gein nak awn chang van ah hmawk ah sik khai ah, khanchang gui ah mä a shänghta ng’neim sak nak gah ciah, Bawipa Jesuh ah kyak ci. A ni cu sih nak a aut ah hmawk ah bäkhäk nak la m’tamkhah nak awn be sei tuhbäi mi hmuk ci.

LUKA 22:30

Nangmi cu kei ah uknak kho ung kei awn a täng ah nami ei aw tuk khai. Cun kawn ah mang ah kiang ung ngo u netah, Israel pakhui gha-lei-goi cu nami uk khai nei” cik ci.

MAKUH 13:30

Kei naw akcang ka pyein cu, shin ah a mawng ama gui kä a khüm pha ung, tuhbäi chü chang gui kä si yawp phak khai gui nei,

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

LUKA 22:18

Kei naw ka ning m’thein gui cu, tuhbäi ung tün ne Khanpughi ah uknak kho kä a gawk law pha ah chuih, kei naw shin ah mäih cu kä ka aw ba khai nei” cik ci.

LUKA 2:26

Mumcha Theing cu ani awn a täng ah om ne, “Nang cu Khanpughi ah shaitaak ah Messiah kä na hmuh pha ung kä na sik khai” ci ne am cäi ah kyak ci.

MAKUH 13:26

Cun kawn ah khomei gui ah ng’lung ah hlüngtai nak la bämang nak awn kyum lawk ciah chang ah Htapa cu nami hmuk khai.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

JOHAN 21:23

Cun ah kyasei, ‘Cun ah ang düihpüi cu kä si hlawt khai’ ciah Bawipa Jesuh ah ang düihpüi gui ami van ung ng’thu yat ci. Cun ung phi Bawipa Jesuh naw ani kä sik khai ah a pyein ah kä kyak ci, “Kei ka law ba güt ani ghing ne a om vai ah, kei naw kang yak hlü ung phi, nang naw na pyein vai kä om ci” a ciah kyak ci.