MAKUH 8:35 - Cho Bible Common Language 2016

³⁵ Amät ah hnun gui k’phiawn hlük ciah chang cu dimaih khai, kei la Thuni ah hmawk ah a hnun gui pek ciah chang cu hun nak gah khai.

MAKUH 8:35 Referans Kwoze

1 KORIN 9:23

Nangmi awn a täng ah Thu Ni awn hrilham mi gah vai ah, Thu Ni ah hmawk ah shin gui cu ka bi ah kyak ci.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

LUKA 17:33

A ghin nak hun hlük ci cu, a ghin nak ng’chah khai, a ghin nak ah kä ng’vang cicu hun nak gah khai.

MATTHE 16:25

Amät ah hnun ghin nak phiawn hlük ciah chang cu sih nak hmuk khai, kei ah hmawk ah sih nak gah ciah chang cu, ghin nak hmuk khai.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

MATTHE 10:39

Amät ah hnun ghin nak vai k’tha nak ciah chang cu, a ghin nak maih khai, kei ah hmawk ah a hnun ghin nak pek ciah chang cu ghin nak gah khai.

2 KORIN 12:10

Kei cu Bawi Khrit ah hmawk ah tha ken nak, ghingshe nak, geinvai nak, k’dudei nek, la tüihtok nak gui ka aut ung phi, kei cu kak tha a ken yah ung kak thamah ba pi ci nei.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

LUKA 9:24

A ghin nak ka ng’vang ci cu, a ghin nak maih khai, kei ah hmawk ah a ghin nak pek ci cu, ghin nak gah khai.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

HEBRU 11:35

Hnumi gui cun phi ami yum nak awn sih nak ungka ghing ba ciah ami pawchang gui cu gah ba ci gui. Amshah gui cu ng’pängye nak gui maa-en u ne, bä ci ciah ghin nak ung thawh ba vai ah, dukdeiu nak awn sih yawp ci gui.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

MAKUH 8:36

Chang cu khomdek khan avan a uk ung phi, a hnun gui adi maih ung ninak bänak a i om khai yaw?

THUSHÄUTU 3:6

Ani naw m’hnü ci, Shui ne hmuh nak ah a khin om ne, a maih nak ah khin om ci; M’cun m’seh nak ah a khin om ne, fih ghawh nak ah khin om ci.