MAKUH 8:34 - Cho Bible Common Language 2016

³⁴ Bawipa Jesuh naw ang düihpüi gui la chang khli gui cu a pei ah khü gui netah, “Kei ah chang ah kya hlük ciah chang naw, amät ah hmawk cu nawng ne, amät ah kutlamtung kawt ne, ka hnu ah ana läk vai.

MAKUH 8:34 Referans Kwoze

MATTHE 10:38

Amät ah kutlamtung kawt ne ka hnu ah kä na läk ciah chang cu, kei ah düihpüi ah kä kya hlawt khai.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

1 GHANGPUGHANG GUI 14:8

Kei naw David ah hta ng’shon ungka, khaw uknak cu la ne nang am ka ning pek ci. Cun ung phi nang cu ka changshäm David ah mäih ah kä na kyak ci, ani cu kei ung bekhüt ne, ka thumkhän läk ne, kei ah pyen ah bii bik ci.

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

KHEI NAK 14:24

Cun ung phi ka changshäm Kaleb ung amlung ngaih a hei hnga om ci, ani cu kei ung bekhüt ci, kei naw ani cu ava däät nak te ah khaw ung, ka hteh püi khai, ani ah htangshon naw cun ah khaw cu khäm khai gui.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

LUKA 9:23

Cun kawn ah Bawipa Jesuh naw chang gui-am, “Kei ah ng’khahpüi ah kya hlük ciah chang naw, amät ah hmawk nawng shüt ne, amät ah kutlam tung cu, ak hnüüp tä kawt netah ka hnu ah na läk sä.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

PHILIPPIAN 3:7

Cun ung phi ka mät ah hmawk ah aungtang ciah ka ngaih man phung cu Bawi Khrit ah hmawk ah a kholä ah ka hmat ci.

1 PETER 4:1

Bawi Khrit cu pumsa awn geinvai nak aut pyi ci, acun ah kiasei nangmi cu Bawi Khrit ah m’lung ngaih ah mäih ah nami thamah vai. A i ah kyasei ci ung pumsa awn geinvai nak gah ciah chang cu, cheishoh nak naw kä k’phaa ba ci.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

1 KORIN 15:31

Phäi nau gui aw, kei cu ak hnüüp tä sei sih nak ka aut ci nei! Kei cu nangmi ah hmawk ah ka yeikyai ci, mi Bawipa Jesuh Khrih awn kawng ät ne mi ghin nak awn shin ah ka pyein ah kyak ci.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

LUKA 14:33

Acun ah mäih ah nangmi ungka a u phi amät ung om ci nüng kä nawng shüt yawp hlawt ci cu, kei ah ng’düihpüi ah kä kia hlawt khai” cine m’cäi gui ci.

2 PETER 1:14

Kei cu kä shou pha sei, shin ah sheka thei ciah pumsa cu ka nawng shüt lawk khai ah ka hmat ci nei, cun cu Bawipa Jesuh Khrit naw ang dang ah anam thein pyi ah kyak ci.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

LUKA 13:24

“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.

MATTHE 27:32

Ngami naw ami hteh püi nak lam ah Sairin kho ah kaa, Simon ming nak ciah chang tumat cu hmu u netah, ani cu ang cet ah khü u ne, Bawipa Jesuh ah kutlamtung cu kawh sak ci gui.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

2 THESSALONIAN 3:11

Nangmi ungka bi kä bi hlük ne dam ne om netah, chang hei ah bilawh mawngma düt, lawilik ng’kühyah tuk ciah chang om ci, cicu kami ng’yak ci nei.

1 KORIN 9:19

Kei cu ng’päiom chang, a u ah khleihtein ah kä ka kyak ci; Cun ung phi yum ciah chang ada law pipi vai ah kei cu chang van ah khleihtein ah ka kyak ci.

1 KORIN 8:13

Cun ah kya sei sa ka ei naw ka phäinau a cheishoh sak ah a kyak läi ung, ka phäinau ah kä cheishoh nak vai ah, a i sa phi kä ei ne ka om khai nei.

JOHAN 19:17

Bawipa Jesuh cu kutlamtung kawt ne, ‘Luguh Hmun’ ami ci nak ah hteit ci.

LUKA 20:45

Bawipa Jesuh naw ngai tuk ciah chang khli ah ng’yak vai ah ang düihpüi gui-am,

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

MAKUH 7:14

Cun kawn ah Bawipa Jesuh naw chang gui cu a pei ah khü ba gui netah, a pyein ba mä cu, “Kei ah ng’thu cu nami van naw ngai ne, hmat yawp vä.