MAKUH 8:26 - Cho Bible Common Language 2016

²⁶ Bawipa Jesuh naw ani cu, “Pigaw ng’lung ah kä na hteh-en ba vai” cine m’cäi netah, a im ah tüi ba ci.

MAKUH 8:26 Referans Kwoze

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

MAKUH 8:23

Bawipa Jesuh naw a mik m’dauh cu a kut awn k’pang ne pigaw k’pung ah hteh püi ci. Acun ah mik cu am shi awn m’thawh netah, ak khan ah a kut taih ci. Cun kawn ah, “Tuhbäi na hmuk ci ang?” cine ng’shik ci.

MAKUH 7:36

Bawipa Jesuh naw cun ah a mawng gui cu, a u-am phi kä ami m’thein-en vai ah m’yih sak gui ci. Cun ah Bawipa Jesuh naw m’yih sak gui sei phi, chang gui naw acun ah mawng cu pyein law pi k’täi ci gui.

MAKUH 5:43

Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.

MATTHE 12:16

Ani naw gawipai ci gui cu gai sak gui ci. Cun ung phi ani ah mawng kä ami pyein-en vai ah m’yih sak gui ci.

MATTHE 9:30

ani mik cu acun vai-am m’dei lawk ci. Bawipa Jesuh naw, “Shin ah a mawng cu a u-am kä nani m’thein-en vai,” cine khän ne m’cäi goi ci.

MAKUH 8:25

Cun kawn ah Bawipa Jesuh naw ani ah mik khan ah a kut taih ba mä ci. Cun kawn ah ani cu k’tha na ne m’dei khätah amik cu m’dei law sei, a i phi ng’htei khai ah hmu lawk ci.