MAKUH 8:25 - Cho Bible Common Language 2016

²⁵ Cun kawn ah Bawipa Jesuh naw ani ah mik khan ah a kut taih ba mä ci. Cun kawn ah ani cu k’tha na ne m’dei khätah amik cu m’dei law sei, a i phi ng’htei khai ah hmu lawk ci.

MAKUH 8:25 Referans Kwoze

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

PHILIPPIAN 1:6

Cun ah kya sei nang mi ung bi ak ni tün ne bik ciah Khanpughi naw Bawi Khrit Jesuh ah kyum law nak vai ah hnüüp kä a gawk phaa ung, cun ah bi cu ng’pyi khai ah bik khai ah ka yum ci nei.

MATTHE 13:12

Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

MAKUH 8:24

Ani naw täu law netah, “Kei cu chang gui ka hmuk ci nei, ngami cu sing ghing gui awn täng ci gui, cun ung phi hteit hton ci gui” cine ptein ci.

MAKUH 8:26

Bawipa Jesuh naw ani cu, “Pigaw ng’lung ah kä na hteh-en ba vai” cine m’cäi netah, a im ah tüi ba ci.

LAMKTU 1:10

Cun ah a kai kawn ung ang düihpüi gui cu, khankho cäi ne dan ci gui. Cun yah ung abauk sui ciah chang gawi ami pei ah ng’dang law ni ne tah,

LAMKTU 14:9

Ani cu Paul ah ng’thu pyein ngoh ne ngai tuk ci. Paul naw ani cu kheing ne teng ne, anat nak a maih nak hlawt vai ah a yum nak a om cu hmu netah,