MAKUH 8:21 - Cho Bible Common Language 2016

²¹ Bawipa Jesuh naw, “Cun ah kya lang sei nangmi cu tu ä güt a i kä hmuhmat ne nami om ci ma?” cine ng’shi gui ci.

MAKUH 8:21 Referans Kwoze

MAKUH 6:52

A i ah kyasei ci ung, Bawipa Jesuh naw m’htut am bei gui yah ung ami hmuh te ah cäicat vai ah a mawng cu kä ami hmat ah hmawk ah kyak ci. Ngami ung cun ah mawng hmuhmat nak hlawt vai a i kä om ci.

MAKUH 8:12

Bawipa Jesuh naw ngai shäng netah, “Tuhchü chang gui naw a i ah kyasei cäi aih vai ami thäh ang? Kei naw akcang ka pyein cu, shin ah chang gui-am, cun ah cäi aih vai gui cu, kä m’dang gui vai nei” cine kyak na gui ci.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

1 KORIN 6:5

Nangmi cu lü ng’aa vai ah nami kyak ci nei. Khritha gui nami mät ng’cuhcan nak a om law ung, ng’gepai ng’thumcha hning khai, nami mät ah kyong ung hmuhmat ci a u kä om ne maa!

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

MAKUH 9:19

Bawipa Jesuh naw, “Nangmi cu a i hlawk ah a yum nak kä om ciah chang gui ang? Kei cu nangmi awn a täng ah a i güt ka om vai ang? A i güt nangmi ka ning ngaih peit gui vai ang? cun ah ak hmaw kei ah om nak ah law püi vä” cine kyak na gui sei,

MAKUH 8:17

Cun ah ami ng’cengcäk cu Bawipa Jesuh naw hmat gui netah, “Nangmi naw ei vai kä nami shaw ah mawng cu a i ah kyasei nami pyein ang? Tuhgüt kä nami hmuhmat phak ci ma? A i ah kyasei nami m’lung hnga a pang aih ang?

SAM 94:8

Ka chang gui aw, a i hlawk ah shin ah nami gu-ang ang? A i sangung nami theithang lawk khai ang?

MAKUH 8:22

Bawipa Jesuh la ang düihpüi gui cu Bethsaida pigaw ah gawk lawk ci gui. Cun yah ung chang gui naw a mik m’dauh tumat cu law püi u netah, ani cu a kut awn tawk ne a gai sak vai ah ng’yoi ci gui.