MAKUH 8:2 - Cho Bible Common Language 2016

² Bawipa Jesuh naw ang düihpüi gui khü gui netah, “Shin ah chang gui cu kei awn a täng ah kho hnüüp thum om lawk ci gui kya ne ami ei vai kä om ba ci. Cun ah kyasei kei naw kam gein gui ci.

MAKUH 8:2 Referans Kwoze

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

MIKHAH 7:19

Nang naw na na chimgein ba gui khai. Kami katnak cu na khaw awn leh ne, kami cheishoh nak cu tuinu ah ng’lung ung na shum yawp khai.

SAM 145:15

Ak ghing avan naw ngaih u ne ning teng ci gui, Ami cawi yah ung nang naw ei na m’bei gui ci.

SAM 103:13

Ami pa naw a hta gui cu am hni gui ah mäih ah, Bawipa naw amät chang m’sui cicu m’hni gui ci.

HEBRU 5:2

Ani amät cu kä a khüm be nak da ci kyasei, lam hma ciah chang, cheishoh ciah chang gui cu chimgein gui ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

MAKUH 9:22

Khoshe naw ak hmaw asih vai ah, mei ung phi, tui ung phi akda vei luh sak ci nei. Nang Bawipa naw nam khüt hning vai a kyak ung nam gein gui ne nam htei tu pe gui ä” cine pyein ci.

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

MAKUH 5:19

Bawipa Jesuh naw maa nah netah, “Na im ah hteit ba ne, Khanpughi naw nang ah khan ah a i hlawk ah bi abi ah mawng la nang a ning m’gein ah mawng cu nak kyong ungka gui-am m’thein tu ba gui ä” ci ne pyen nak ci.

MAKUH 1:41

Bawipa Jesuh naw m’gein netah, a kut awn nüm ne tawk ne, “Kei naw kang yak hlü om ci nei, theek ne gai ä” cik ci.

MATTHE 20:34

Bawipa Jesuh naw, ngani cu m’gein goi netah, ani mik cu a kut awn tawk goi ci. Ngani cu acun vai-am ani mik m’dei law sei, Bawipa Jesuh ah hnu ah läk tuk ci goi.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

SAM 145:8

Bawipa cu m’hni nak la chimgein nak ah kyak ci, kä m’lungshe yäi ci, ng’täi ciah m’hni nak awn be ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

MAKUH 6:32

Bawipa Jesuh la ang düihpüi gui cu, ang thuh nak lam ah hleiko awn pawng ne hteit ci gui.

MAKUH 8:3

Chang amshah gui cu lam a shou nak ah kaa lawk ci gui, ngami cu a i kä m’bei gui ah tüih ba gui ung, lam ah cawi ne ng’yän yawp khai gui nei” cine pyein ci.

1 GHANGPUGHANG GUI 19:6

Ani cu mang shüi neta, m’htut pum ät la tui um ät a lu pei ah om sei hmuk ci. Ani cu ei aw neta ng’yän ba ci.