MAKUH 8:17 - Cho Bible Common Language 2016

¹⁷ Cun ah ami ng’cengcäk cu Bawipa Jesuh naw hmat gui netah, “Nangmi naw ei vai kä nami shaw ah mawng cu a i ah kyasei nami pyein ang? Tuhgüt kä nami hmuhmat phak ci ma? A i ah kyasei nami m’lung hnga a pang aih ang?

MAKUH 8:17 Referans Kwoze

MAKUH 6:52

A i ah kyasei ci ung, Bawipa Jesuh naw m’htut am bei gui yah ung ami hmuh te ah cäicat vai ah a mawng cu kä ami hmat ah hmawk ah kyak ci. Ngami ung cun ah mawng hmuhmat nak hlawt vai a i kä om ci.

MAKUH 2:8

Bawipa Jesuh naw cun ami ngaih-tüh cu hmat netah, “Nangmi a i ah kyasei, cän ah nami ngaih-tüh ang?

ISAIAH 63:17

A i ah kyasei na lam ungka naw lam na na plei sak gui ang? A i ah kyasei nang ung ka a hei ah kami ng’hlat khai ah kami m’lung na na liu sak gui aih ang? Nang ah bi bik ci gui na ngaih nak pek gui awn, angtäi sei nang ah chang ah kyak ci gui, na ngaih nak pe gui awn, law ba ä.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JOHAN 16:30

Nang naw a päng ang nüng na hmat cu, kami hmat pyi ci, kami ning shi vai a i kä om ba ci nei. A shin gui kami hmat nak awn nang cu, Khanpughi ungka na lawk ciah kami yum ci nei” cik ci gui.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

MATTHE 15:17

M’gawnglei ung yulut vük ci phung avan cu, chikhawn ung yu gawk netah, cun kawn ah ak pung ah aluh law ba cu kä nami hmat ci ma?

MATTHE 12:15

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

MATTHE 16:7

Ang düihpüi gui naw, “Mikmi naw ei vai kä mi sho khätah, cun ah a pyein ah kyak khai,” cine ami mät ng’cecäk ci gui.

MAKUH 8:16

Ang düihpüi gui cu ei vai kä ami shaw a mawng pyein ne ami mät ng’cengcäk ci gui.