MAKUH 8:13 - Cho Bible Common Language 2016

¹³ Bawipa Jesuh cu cun ungka ng’düi law ba ne, hleiko ung kai ba netah, tuili vangtäng ga ah vang kat vü ba ci.

MAKUH 8:13 Referans Kwoze

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

JOHAN 12:36

Cun ah kyasei akdei ah om yah ung yum tu vä, cun ung nangmi cu akdei ah hta ah nami kyak khai nei” cine kyak na gui ci. Cun ah ng’thu a pyein kawn ah Bawipa Jesuh cu ngami naw kä ami hmuh ba vai ah ng’thup ne om ci.

JOHAN 8:21

Bawipa Jesuh naw, “Kei ka hteit ba khai, nangmi naw nami na shui khai, cun ung phi nangmi nami katnak awn nami sik khai, kei ah hteh nak ah nangmi kä nami hteit tu hlawt khai,” cine kyak na gui ci.

LUKA 8:37

Cun ah kho ung chang gui cu ang htei ah kyikyawk u netah Bawipa Jesuh cu akyang ah a hei ah a hteh vai ah pyein u sei, Bawipa Jesuh cu hleiko ung kai ba ne a hei ah hteit ba ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

MATTHE 7:6

‘Ak theingcim cu ui gui-am kä nami peit vai, cuh ah nami peit ung ng’hlat law ba ne ning htui gui khai. Ghui k’cünglung cu vawk gui ah ma ah kä nami m’shän vai, nami m’shän ung ami kho awn leh ne kai na khai gui.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

HOSEA 4:17

Israel chang gui cu agup mang nak ah kaa ung om pyi ci gui. Ami hteh nak hlü ah lam ung hteit tei u sä.

JEREMIAH 23:33

Bawipa naw na pyen nak ci, “Jeremiah, ka chang tumat mat naw baw, prophet naw baw, taigü naw baw, ning shi law ne, ‘Bawipa ah thu pyen cu a i ang?’ Nang naw na m’thein vai cu, ‘Nang cu Bawipa ung phuih ah na kyak ci, ani naw nang cu ning k’täm lawk kahi nei.’

SAM 81:12

Cun ah kyasei ami ling nak ah hteh sak gui ne, ami ng’yak hlü ka bi sak gui ci.

MAKUH 8:12

Bawipa Jesuh naw ngai shäng netah, “Tuhchü chang gui naw a i ah kyasei cäi aih vai ami thäh ang? Kei naw akcang ka pyein cu, shin ah chang gui-am, cun ah cäi aih vai gui cu, kä m’dang gui vai nei” cine kyak na gui ci.

MAKUH 8:14

Ang düihpüi gui naw hleiko khan ah ei vai akda kä law püi ah m’htut pum ät bäng law püi ci gui.

LAMKTU 27:2

Keimi cu Asia kho tuinu kem, pigaw päng ung hteit khai ah, Adramyttium ah kaa lawk ciah htinpaw ung kai tuk u ne, k’täi ne kami hteit ci. Thessalonika ah kaa Macedonia chang, Arista kas cun phi keimi awn kami ng’gui ci.