MAKUH 8:11 - Cho Bible Common Language 2016

¹¹ Pharisee amshah gui cu law u netah, Bawipa Jesuh cu ng’kütneet ne ng’cuhcan püi ci gui. Ngami naw ami thuvi nak awn, “Khanpughi naw a ning m’hni nak saksi dang khai ah cäi aih vai tumat cu m’dang law shüm ä,” cine thäh ci gui.

MAKUH 8:11 Referans Kwoze

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

MATTHE 12:38

Amshah Thukhän saya gui la pharisee gui naw, “Sayapa, keimi am cäi-aih vai tumat nam hnuh gui ä,” cine k’thäh ci gui.

MALAKHI 3:15

Mi hmuh ah mäih ah chang k’om ci gui cu yei ci gui nei. Changshe gui cu ng’bühmang ci gui nei,” nami cik ci.

THULÄÄN NAK 6:16

“Bawipa nami Khanpughi cu kä nami m’nüm vai. Massah ung nami bi ah mäih ah kä nami bi vai.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

LUKA 11:16

Chang amshah naw, ami phawtcam nak ah, “Khanpughi ah cäicat vai tumat m’dang law ba ä” cik ci gui.

PHYAWN NAK 17:7

Cun ah hmun cu Massah la Meribah ah sui ci gui, a i ah kyasei ci ung Israel gui naw ng’thu m’da ne, Bawipa m’nüm u ne, Bawipa naw na om püi gui ci ang? Kä na om püi gui ci ang? Ami ci nak ah kyak ci.

LAMKTU 5:9

Peter naw,” a i ah kiah sei nang ni naw Khanpughi ah Mumcha Theing m’hleei m’hlak vai ah na ni k’bäi ang? Na cei m’cim ciah chang gui m’kawt law k’pha law ba ci gui nei, ngah mi naw nang mä kawt ne ning m’cim lawk khai gui nei” cine pyen nak ci.

JOHAN 7:48

Mi ng’vai gui la Pharise gui ung kaa, ani yum ciah chang om ne ang?

JOHAN 6:30

Cun ah chang gui naw, “Keimi naw hmu u netah, kami ning yum nak hning vai ah, a i cäi aih vai gui ang nam dang kaw?

LUKA 10:25

Thukhän saya tumat cu Bawipa Jesuh ah pei ah law netah, “Sayapa, angtäi ghin nak ka gah vai ah a i ang ka bi kaw?” cine a phawtcam nak ah ng’shik ci.

MAKUH 12:15

Bawipa Jesuh naw ngami ah phawtcam nak cu hmat netah, “Nang mi naw a i ah kyasei kei ka shetkat vai ah nami ng’yak hlü ang? Tangka tumat ka teng vai law püi vä” cine kyak na gui ci.

MAKUH 2:16

Acun ah khon look ci gui la changshe ah ami khoikhei gui awn a täng ah ami ei awk cu pharisee ah kyak ci gui ah thukhän saya gui naw hmu u netah, “A i ah kyasei shin ah changshe gui awn a täng ah a ei awk ang” cine ang düihpüi gui cu ng’shi gui ci gui.

MATTHE 22:23

A cu hnüüp ung Sadducee gui cu Bawipa Jesuh ah gawk lawk ci gui. Ngami cu ‘Sihnak ungka thawh banak kä om ci,’ ciah yum ci gui ah kyak ci.

MATTHE 22:18

Cun ung phi Bawipa Jesuh naw ngami ah shekat ciah ami ngaihtüh cu hmat netah, “Thuvi chang gui, a i ah kyasei nangmi naw thuvi ne nami nang shi ang?

MATTHE 22:15

Cun kawn ah pharisee gui cu hteit ba u netah, ani cu a i i ah thuvi ne ng’shi vai ang’ cine ng’gepai ci gui.

MATTHE 21:23

Bawipa Jesuh naw pum im ah law ba ne am theithang gui yah ung taigüpa gui la ang vai gui cu Bawipa Jesuh ah pei ah law u netah, “Nang naw shin gui cu a i m’khüt näng nak awn na bi ang? Cun ah m’khüt näng nak cu a u naw a ning peit ang?” cine ng’shik ci gui.

MATTHE 19:3

Pharisee gui cu a pei ah law u netah, ami phawtcam nak ah, “Chang tumat cu a i ah a mawng awn phi bäi, ak chu awn ng’chaa hning ci goi ang?” cine ng’shik ci gui.

PHYAWN NAK 17:2

Ngami naw Moses ah ma ah ng’thu m’da u ne, “Awk vai tui na pe gui ä” cik ci gui. Moses naw, “A i ah kyasei thu nami m’da ang? A i ah kyasei Bawipa nami m’nüm ang?” cik ci.

JOHAN 8:6

Ngami naw Bawipa Jesuh cu m’kat hlü guih u netah, a i ah a pyein law hman ah cine, ami m’nüm nak ah kyak ci. Cun ung phi Bawipa Jesuh cu kawp netah, a kut khiu awn m’dek chüüt ne gu ne ngok ci.

MAKUH 9:16

Bawipa Jesuh naw ang düihpüi gui-am, “Nangmi cu ngami awn a i ah mawnglam ang thu nami pyein?” cine ng’shi gui ci.