MAKUH 7:9 - Cho Bible Common Language 2016

⁹ Cun kawn ah mä Bawipa Jesuh naw, “Nangmi naw nami mät ah m’theithang nami läk hlawt vai ah Khanpughi ah thukhän cu, k’phiui hnawk ne nami theileh aih ci nei.

MAKUH 7:9 Referans Kwoze

KALATIAN 2:21

Kei naw Khanpughi ah m’gein nak cu kä ka ma phung khai. Cun ung phi chang tumat cu ng’thukhän awn Khanpughi ung düng nak gah ciah a kyak ung, Bawi Khrit ah sih cu a kholä ah kyak ci nei!

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

MAKUH 7:13

Acun ah nangmi naw nami thungyo gui bäng bäng ng’dou ne nami m’theithang nak awn Khanpughi ah thukhän cu nami m’shet ci. A cun ah mäih ah a hei thungyo gui phi nangmi naw akda nami läk ba ci” cine pyen na gui ci.

MAKUH 7:3

Pharisee gui la Jew chang gui cu pupa gui ah thungyo läk ci gui ah chang gui ah kyak ci. Ami kut m’ya avan kä ami m’si ung ei kä ei man ci gui.

SAM 119:126

Bawipa, na hnün thawh nak vai akhin gawk lawk cine, A i ah kyasei ci ung chang gui naw na thukhän kä läk ci gui nei.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

MAKUH 7:5

Cun ah kyasei pharisee gui la thukhän saya gui naw, “A i ah kyasei nang düih püi gui naw pupa gui ah thungyo kä läk u ne, ami kut kä m’si ah ei ami ei ang?” cine Bawipa Jesuh cu ng’shik ci gui.

2 KORIN 11:4

Chang tumat cu nangmi ah law ne, keimi ah kä pyein man ah, a hei Jesuh ah mawng a pyein law ung, nangmi naw yei ne nami na dou ci; Keimi naw kami pyein ah Thu Ni la keimi ung nami gah ah Mumcha awn api ah phi kä täng ciah thu ni la mümcha cu nami dou ci!

KALATIAN 1:14

Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.