MAKUH 7:7 - Cho Bible Common Language 2016

⁷ Ngami naw kei ah ami taigü cu A kholä ah kyak ci nei. A i ah kyasei ci ung ngami naw chang ah Pian ah thukhän gui cu, Khanpughi ah thukhän ah mäih ah m’theithang ci gui nei” ciah kiak ci nei.

MAKUH 7:7 Referans Kwoze

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

MATTHE 15:9

Ngami naw kei ami na khawihnah cu akholä ah kyak ci, A i ah kyasei ci ung, ngami naw chang ah pyan ah thukhän gui cu, Khanpughi ah thukhän ah mäih ah, m’theithang ci gui!” cine kyak na gui ci.

JAMES 1:26

Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.

KOLOSE 2:22

Ayan nami mang man te gui cu tuhbäi mang ba vai ah kä kya ba ci nei. Cun gui cu chang ah pyan ah thukhän la m’theithang nak gui ah kyak ci.

MATTHE 6:7

‘Nami taigü ung Khanpughi kä yum ci gui ah taigü ah mäih ah lawmkaam düt ne kä nami taigü vai. Ngami cu aksho ang sau ah taigü ung gah vai ah ngai ci gui.

TITUS 3:9

Cun ung phi shekhak ciah ng’cuhcan nak, ng’shon lam ang sau ah guh ne pyan nak, ng’tuk vok nak, thukhän ah mawng ng’cuhcan nak gui cu na hlawi vai nei. Cun gui cu ei mang vai kä kya ne, a i phi kä ak pawih ciah a mawng gui ah kyak ci.

THU PHLAAN 22:18

Shin ah ca-uk ung ng’cäi nak ah ng’thu ng’yak ciah chang phung-am kei Johan naw khen ne ka pyein ci nei, a u chang phi shin ah caciim heikbe tuk ciah chang cu, Khanpughi naw shin ah ca-uk ung om ciah leigaai gui awn shetkat sak khai nei.

1 SAMUEL 12:21

Khanpughi she gui ah hnu ah kä nami hteh tu vai; ngami naw kä ning m’htei gui hning khai, kä ning hun gui khai, ngami cu akcang ah kä kyak ci gui.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

JAMES 2:20

Chang k’aang aw! Hnünthawh nak kä om ciah yum nak cu akholä ah a kyak ah mawng na hmat hlük ci ang?

MALAKHI 3:14

Nangmi naw, “Khanpughi ah bi bi cu akholä nei, a pyen ah bi ne, hlüngtai ciah Bawipa ah ma ah mi bi lawh ah hmawk ah thüi sei nak m’dang cu a i ah bäni nak om ci ang?

1 KORIN 15:14

Bawi Khrih cu sih nak ungka kä tho ba ciah a kyak ung, keimi ah ng’thu pyein cu akholä ah kyak ci, nangmi ah yum cun phi a kholä ah kyak ci.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.