MAKUH 7:6 - Cho Bible Common Language 2016

⁶ Bawipa Jesuh naw, “Nangmi ah mawng profet Isaiah naw a pyein cu bä ne ng’khän ci nei Nangmi cu thuvi ciah chang gui nei, Cun ah kyasei Isaiah naw nangmi ah mawng a guk cu; “Shin ah chang gui naw kei cu, ami m’gawng shai awn nam hlüngtai ci gui nei, Cun ung phi ngami ah m’lung kyong cu, Kei awn ng’shawng aih ci nei.

MAKUH 7:6 Referans Kwoze

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

JOHAN 5:42

Cun ung phi nangmi ah mawng cu ka hmat ci. Nangmi ah m’lung kyong ung Khanpughi yumhni nak kä om ci.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!