MAKUH 7:5 - Cho Bible Common Language 2016

⁵ Cun ah kyasei pharisee gui la thukhän saya gui naw, “A i ah kyasei nang düih püi gui naw pupa gui ah thungyo kä läk u ne, ami kut kä m’si ah ei ami ei ang?” cine Bawipa Jesuh cu ng’shik ci gui.

MAKUH 7:5 Referans Kwoze

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

LAMKTU 21:21

Nang naw changpakhui hei gui ah ng’lung ah om tuk ciah Judah chang gui am, “Nami hta gui vun aat nak kä nami bi peit gui vai, Judah thung kä nami läk vai” cine, Moses ah thukhän ami nawng vai ah nam theithang gui cu ngami naw ng’yak ci gui nei.

KALATIAN 1:14

Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.

LAMKTU 21:24

Ngami awn a täng ah hteit u netah a täng ah theingcim nak cu nami bi vai, nami lu nami k’teiu nak ah ang khah cu nang naw na peit vai. Cun ah na bi ung nang ah mawng chang gui ah pyein cu kä hman ciah hmu u ne, na mät naw ma ne, Moses ah thukhän cu na läk ciah chang a van naw hmat khai gui.

MATTHE 15:2

“A i ah kyasei nang düihpüi gui naw pupa gui ah thungyo man cu kä ami läk ang? ngami cu thungyo man ah kut käm si ah ei ei ci gui nei,” cine pyein ci gui.

ROMAN 4:12

Ani cu vun-ah nak bik ci gui ah Pa ah phi kyak ci. Cun kawn ah ani cu vun-ah nak bik ci gui bäng ah kä kya ne, mi pughi Abraham naw vun-ah nak kä a gah pha ung, Khanpughi cu yum ne, ghing ne om te ci gui cu thei tu gui ci gui ah Pa ah phi kyak ci.

2 THESSALONIAN 3:11

Nangmi ungka bi kä bi hlük ne dam ne om netah, chang hei ah bilawh mawngma düt, lawilik ng’kühyah tuk ciah chang om ci, cicu kami ng’yak ci nei.

MAKUH 7:8

Nangmi cu Khanpughi ah thukhän nawng-en u ne, chang ah thungyo m’theithang düt cu nami läk ci nei” cine kyak na gui ci.

MAKUH 7:9

Cun kawn ah mä Bawipa Jesuh naw, “Nangmi naw nami mät ah m’theithang nami läk hlawt vai ah Khanpughi ah thukhän cu, k’phiui hnawk ne nami theileh aih ci nei.

MAKUH 7:13

Acun ah nangmi naw nami thungyo gui bäng bäng ng’dou ne nami m’theithang nak awn Khanpughi ah thukhän cu nami m’shet ci. A cun ah mäih ah a hei thungyo gui phi nangmi naw akda nami läk ba ci” cine pyen na gui ci.