MAKUH 7:28 - Cho Bible Common Language 2016

²⁸ Cun ah hnumi naw, “Bawipa, cun cu hman ci nei, cun ung phi hta hmaw gui ah k’book theh, ei dawn ka ah ng’yaih ci cu, ui gui naw ei tu man ci gui nei” cine pyein tu ba ci.

MAKUH 7:28 Referans Kwoze

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

ROMAN 3:29

Khanpughi cu Jew chang gui ah Khanpughi bäng ah kya ne ang! Chang khui hei gui ah Khanpughi ah kä kya tu ne ang! Akcang ah van ah Khanpughi ah kyak ci nei.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

SAM 145:16

Nang naw ngami am ng’büh ne changvan naw ami chüm vai ah na pe gui ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

MATTHE 5:45

Cun ung vah nangmi cu Khanpughi ah hta ah nami kyak khai. Khanpughi naw chang k’ni, chang k’she van ah khan ah kho yuk so sak ci, akni akshe bik ci van ah khan ah kho phi yuk aa sak ci.

MATTHE 15:27

Cun ah hnuminu naw, “Hman ci nei Bawipa aw, cun ung phi ui gui cun naw, ami mah ah ei nak ung ng’theh ciah ei-book cu ei tu man ci gui nei,” cine pyein ba mä ci.

MAKUH 7:27

Bawipa Jesuh naw, “Hta hmaw gui cu ak htük ung phü khai gui ah m’bei gui vai kyak ci, hta hmaw gui ah ei vai sü la ne, ui-am kä vuh vai nei” cine pyen nak ci.

MAKUH 7:29

Cun ci khätah Bawipa Jesuh naw, “Nang naw cun ah nam hlan tu ba cu bä ci nei, na im ah hteit baä, na hta ungka khoshe cu dawng pyi sei na hmuk khai nei” ci ne pyen nak ci.