MAKUH 7:26 - Cho Bible Common Language 2016

²⁶ Ani cu Siria kho Phoenicia gawnu ungka Karik hnumi ah kiak ci. Ani naw a hta hnumi ungka khoshe cu, Bawipa Jesuh naw ak täm peit vai ah law ne ng’huipa ci.

MAKUH 7:26 Referans Kwoze

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

ISAIAH 49:12

Ka chang gui cu a shou nak ah ka lawk khai gui, a siip tang, akhei täng la a htum täng, Avan ung ka lawk khai gui.”

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MAKUH 7:25

Cun ung phi ng’thup ne kä om hlawt ci. A hta hnumi khoshe ah kai ah hnumi nu tumat cu, Bawipa Jesuh a gawk law ah mawng ng’ya tu netah, acun vai-am dawng law ne a kho pei ah kawp lawk ci.

MAKUH 7:27

Bawipa Jesuh naw, “Hta hmaw gui cu ak htük ung phü khai gui ah m’bei gui vai kyak ci, hta hmaw gui ah ei vai sü la ne, ui-am kä vuh vai nei” cine pyen nak ci.