MAKUH 7:24 - Cho Bible Common Language 2016

²⁴ Bawipa Jesuh cu cun ungka Tire gawnu ah hteit ci. Cu ah a gawk ung im tumat ah kai netah, ani a gawk ah mawng a u naw phi a hmat vai kä ng’ya hlük ci.

MAKUH 7:24 Referans Kwoze

MATTHE 11:21

“Aw Khorayin gawnu, nang cu thüisei nak om ci. Aw Bethsaidah gawnu, nang phi thüisei nak om ci. Nangmi ung kamdang ah cäi aih gui vai cu, Tire la Sidon ung kamdang vai sü ung, ngami cu cau pui, katnak ungka ng’yu nak ah sui sui ne, m’vut awn ng’hluk ne ami katnak ungka ng’yu ba khai sü gui te.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

1 TIMOTHI 5:25

Acun ah mäih ah amshah ah nikiom nak gui cu dang ge ci, kä dang ge ciah nikiom nak gui cun phi a i naw kä shungshet hlawt ci.

MATTHE 9:28

Bawipa Jesuh cu im tumat ung a gawk law yah ung, cun ah chang goi cu gawk lawk ci goi. Bawipa Jesuh naw, “Kei naw nani mik ka ning m’dei sak goi hning ciah nani yum ci ang?” cine ng’shi goi khätah, “Kani yum ci nei,” cine pyein ci goi.

ATÜNNAK 10:15

Kanaan ah hta gui ung angvaipi cu Sidon la anau Heth — ngani cu ming mah ne ng’shon ci goi ah kyak ci.

MAKUH 2:1

Hnüüp api shou hta khätah, Bawipa Jesuh cu Kapernaum gawnu ah gawk law ba ne om sei, ‘Im ah gawk law ba ne om ci’ cicu chang gui naw ng’yak ci gui.

ISAIAH 42:2

Ani cu m’lau ne, ak’aw m’hlün ne kä ng’thu khai, lam gui ung ak’aw m’can ne m’lau ne ng’thu kä pyen khai.

ISAIAH 23:12

Sidon mang gaw, nang ah yeikyai nak cu ng’pyi pyi ci nei, na chang gui cu skedam na gui ci gui nei. Ngami cu curt ne caiprus ah nami hteh ung phi, phiawn nak kä om khai nei.

ATÜNNAK 49:13

Zebulun cu tuinu kem pei ah om khai. Atui kem cu htinpaw gui ah ng’düm nak ah khaw ah kyak khai. Ani ah khopäng cu Sidon khaw ah khüt khai.

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

MAKUH 7:23

Shin ah shetkat nak gui nüng cu chang ah puk kyong ung kaa lut lawk ciah kya ne, chang cu shetkat sak ci” cine m’thein gui ci.

MAKUH 7:25

Cun ung phi ng’thup ne kä om hlawt ci. A hta hnumi khoshe ah kai ah hnumi nu tumat cu, Bawipa Jesuh a gawk law ah mawng ng’ya tu netah, acun vai-am dawng law ne a kho pei ah kawp lawk ci.

MAKUH 7:31

Bawipa Jesuh cu Tire gawnu ungka pawng ba ne Sidon gawnu la Dekapoli kho gawnu gha cu sun ba pah ne Kalile tuilinu ah gawk ba ci.