MAKUH 7:23 - Cho Bible Common Language 2016

²³ Shin ah shetkat nak gui nüng cu chang ah puk kyong ung kaa lut lawk ciah kya ne, chang cu shetkat sak ci” cine m’thein gui ci.

MAKUH 7:23 Referans Kwoze

MAKUH 7:15

Ak pung ah kaa chang ung lut ci naw, chang cu kä shetkat sak hlawt ci, chang ah puk kyong ungka lut lawk ci naw chang cu shetkat sak ci.

TITUS 1:15

Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.

1 KORIN 3:17

Cun ah kya sei Khanpughi ah pum im m’shet ci cu, Khanpughi naw m’shet khai. A i ah kya sei ci ung Khanpughi ah pum im cu ng’ciim ci, nangmi nami mät cu Khanpughi ah pum im ah nami kyak ci.

JUDE 1:8

Acun ah mäih ah Khanpughi kä yum ciah chang gui cu kyak ci gui. Ngami cu ami mät ah muimang awn ami pumsa cu shetkat sak ci gui. Khanpughi ah huham cu a i ah kä sui u ne, hlüngtai ciah khan chang cu päipih ci gui.

MAKUH 7:18

Bawipa Jesuh naw, “Nangmi shin hlawk hngaw kä nami hmat hlawt ci ma?

MAKUH 7:20

Cun kawn ah mä Bawipa Jesuh naw, “Chang ah puk kyong ung kaa lut lawk ci naw chang cu shetkat sak ci.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

MAKUH 7:24

Bawipa Jesuh cu cun ungka Tire gawnu ah hteit ci. Cu ah a gawk ung im tumat ah kai netah, ani a gawk ah mawng a u naw phi a hmat vai kä ng’ya hlük ci.