MAKUH 7:22 - Cho Bible Common Language 2016

²² chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

MAKUH 7:22 Referans Kwoze

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

1 PETER 2:15

Akni ah nami om ih nak awn chang k’gu k’aang gui ah thu m’gawng cu nami shungshet vai ah Khanpughi naw ng’ya hlük ci nei.

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

THUSHÄUTU 7:25

Ka mät naw ka mät hmuhmat vai ah tha na ne, ka ng’thei ci; kei naw cüivai nak hmuh vai la ka shi nak gui m’shan nak gah vai ah ka tha nak ci, cun kawn ah shetkat nak la gu-ang nak ah shekha nak phi ka ng’thei thang ci.

NG'THU K'THUUK~ 28:22

Amät bäng ang bühmang vai tha nak ciah chang naw dukhaih nak naw a thah law vai cu kä hmat ci.

NG'THU K'THUUK~ 27:22

Nang naw chang a gu ang a sih ü awng güt na m’ghuih ung phi, ani ah gu ang nak cu ani ungka maih khai ah kä na m’ghuih hlawt khai.

NG'THU K'THUUK~ 24:9

Bilawh nak phung ung akshe ah ngaih-tüh cu katnak ah kyak ci. Amät akholä vai nak cu na gah vai, cun ung ma lam ah khaw dei khai. Ah kya ne chang a i ah kä sui cicu chang gui naw thüi nak ci gui.

NG'THU K'THUUK~ 23:6

Sing hnaw ciah chang ah tawnglang ung kä na ei tu vai. Ani ah ning m’bei ah ei akni cu kä na ei hlü aih vai.

NG'THU K'THUUK~ 22:15

Ak hmaw hta gui cu ami ng’tüi püi ah hmü hma thei ci gui, a i kä geing na thei ci gui. Cun ung phi akni ah that ne m’cä ung, a i cha ah ami ghin om vai m’thein ah kyak ci.

NG'THU K'THUUK~ 12:23

Lunglang ciah chang cu a hmuhmat ung phi adüm ah om ci, cun ung phi chang gu ang gui naw, kä ami hmuhmat cu ahäu ne pyen ci gui.

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

THULÄÄN NAK 28:56

Ng’awigii pi ne aknipi ah ng’tüi ciah hnumi, ang htei ah büh mang ne a hawi kä hteit phung ne om ci phi acun ah mäih ah kyak khai. Ga gui naw ani ah gawnu cu ami khaai law ung ani cu ei cawi law aih neta, a hta thai ah a hmaw la a yen cu düm ah ei khai. Ani naw am hni ah acei la a hei a hta gui phi, kä m’bei tu gui khai.

THULÄÄN NAK 28:54

Ng’awigii pi ne aknipi ah ng’tüi ciah pami cu ami khaai gui yah ung ei cawi aih neta amät ah hta amshah cu ei khai, a i ah kyasei ci ung ani ung a ei vai kä om ci. Ani naw cun cu a phäi nau am, amhni ah akchu am, pawih ba ciah a hta gui am phi kä m’bei tu gui khai.

THULÄÄN NAK 15:9

A i baw chang am k’pu tu vai ah kä nami maa en vai. A i ah kyasei ci ung chang am k’pu nawng pek nak vai ah kho kum cu ng’et lawk ci nei. Shin ah mäih ak she ah ngaih-tüh nak nam lung kyong ung kä na luh en sak vai nei. Chang am k’pu tu vai ah na maa ah a kyak ung ani cu Bawipa ah kyap ne ng’pa ne, nang ning hnungtuk püi khai nei, cun ung nang cu katnak na bik ciah kyak khai.

SAM 119:36

Ng’bühmang nak ah ta, na ng’thukhän läk nak hlü cu na pe ä.

ISAIAH 59:7

Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

MAKUH 7:21

Chan ah pukhui m’lung kyong ungka shetkat ciah ngaih tüh nak gui cu lut lawk ci; cun gui cu ng’yo ng’pawm hlü nak, m’guk nak, chang ngawn nak;

MAKUH 7:23

Shin ah shetkat nak gui nüng cu chang ah puk kyong ung kaa lut lawk ciah kya ne, chang cu shetkat sak ci” cine m’thein gui ci.