Biblia Todo Logo
Bib sou entènèt

- Piblisite -




MAKUH 7:21 - Cho Bible Common Language 2016

21 Chan ah pukhui m’lung kyong ungka shetkat ciah ngaih tüh nak gui cu lut lawk ci; cun gui cu ng’yo ng’pawm hlü nak, m’guk nak, chang ngawn nak;

Gade chapit la Kopi




MAKUH 7:21
37 Referans Kwoze  

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.


Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.


Cun ah na shet kat ah phäh ah nang yu ba vai, Cun ah na ngaih tüh cu Khanpughi naw a ning m’gein vai ah nak taigü vai.


Shin cu uktu Bawipa naw Kok a pyen nak ah kyak ci: “Cun ah khin a gawk law ung akshe bi vai cu nang naw tün ne na ngaih-tüh khai.


Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?


Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!


nangmi cu chang khinkhawn ne, akshe nami m’lung ngai ciah kä kiak khai aw!


Na m’lung ngaih cu na geing nak vai, na ghin nak cu na m’lung ngaih naw ghaat sak ci.


Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.


Nungmi cu ang däih ah akshe bi vai ah nami pawng m’thein ci, acun cu akghat ah bi vai ah nami naing ci. Nangmi cu changui nagawn vai ah nami kut kä ng’gin ci. Nangmi nami hteh nak päng ah dishum nak bäng k’pawih shüt ci ci,


Cun ung phi chang avan cu ng’hlat yawp ci gui; ami van cheishoh yawp ci gui. Ng’düng nak bik ci a u kä om ci, tumat phi kä om ci.


Chang gui cu lam hma yawp ci gui; Ami van shekha yawp ci gui, Akni ah bik ciah chang tumat phi kä om ba ci, tumat phi kä om ci.


Kat nak naw mikmi am cun ah thukhän cu na shüm sak gui ne, mi m’lung kyong ah ng’yak hlü nak a hlü hlü cu dang sak ci. Thukhän kä a om ung katnak cu ak si ah kyak ci.


Shin ah lai kä na yawih pha ung phi na mät ah ka ah kyak ci, shin ah lai na yawih kawn ah phi lai ah phu ngui cu na mät ah ka ah kyak ci, cun ah kya lang sei, a i vai cun ah na ngaih tüh ang? Nang cu chang nam hleei ciah kä kyak ci, Khanpughinam hleei ciah kyak ci nei” cine pyen nak ci.


Bawipa naw chang shekha ah im cu m’di khai, cun ung phi hmeinu ah khawh cu ngang pek khai.


Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.


Khanpughi täng ah ka naw teng ung ng’düng ciah chang ng’ciim ciah chang a u om khai aw?


Kä theingthap cicu angtäi sei kä theingthap ciah chang ungka lawk ci nei.


Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.


Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,


Mikmi cu khomdek pumsa ah ng’yak hlü ah ghing ne mi om yah ung thukhän awn lawk ciah shetkat nak hlü ah m’lung naw mi pumsa kyong ah bi bi ne, mikmi cu na sih sak gui ci.


Chang gu ang gui naw ami m’lung kyong ung “Khanpughi kä om ci” cik ci gui. Ngami cu didap u ne m’shemshai ciah bi bik ci gui; ng’düng ci bik ci tumat phi kä om ci.


Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.


Ng’bühmang nak ah ta, na ng’thukhän läk nak hlü cu na pe ä.


Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.


Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.


Cun kawn ah mä Bawipa Jesuh naw, “Chang ah puk kyong ung kaa lut lawk ci naw chang cu shetkat sak ci.


chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.


Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)


Swiv nou:

Piblisite


Piblisite