MAKUH 7:20 - Cho Bible Common Language 2016

²⁰ Cun kawn ah mä Bawipa Jesuh naw, “Chang ah puk kyong ung kaa lut lawk ci naw chang cu shetkat sak ci.

MAKUH 7:20 Referans Kwoze

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

JAMES 4:1

Nangmi ung ng’tuk ah nak la ng’vookshan nak cu a hawi ah kaa gawk lawk ci ang? Cun gui cu nami m’lung kyong ung phu ne ng’kiah ciah lünlawi nak vai, ng’yak nak hlü aih ungka lawk ci nei.

MAKUH 7:15

Ak pung ah kaa chang ung lut ci naw, chang cu kä shetkat sak hlawt ci, chang ah puk kyong ungka lut lawk ci naw chang cu shetkat sak ci.

MIKHAH 2:1

Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?

SAM 41:6

Kei na teng lawk ci gui cu kä ng’awi gi ci gui; Ngami cu ng’bum u ne, kei ah mawng akshe ah pyen ci gui, ami hteh nak päng ah ngak ci gui.

HEBRU 7:6

Melchizedek cu Levi pakhui ah kä kyak ci, cun ung phi Khanpughi ah shaitaak gah ciah Abraham ah bum ghaa bum ät cu look ne, phyuhtheh nak pek ci nei.

MATTHE 4:4

Cun ung phi Bawipa Jesuh naw, “Chang cu ei bäng awn ghing ciah kä kyak ci, Khanpughi ah ng’thu awn hnun m’ghin vai, ciah cacim ung om ci,” cine pyen nak ci.

MATTHE 15:18

Cun ung phi m’gawnglei ung lut lawk cicu m’lung kyong ungka lawk ciah kya ne, acun naw chang cu shetkat sak ci nei.

MAKUH 7:21

Chan ah pukhui m’lung kyong ungka shetkat ciah ngaih tüh nak gui cu lut lawk ci; cun gui cu ng’yo ng’pawm hlü nak, m’guk nak, chang ngawn nak;

MAKUH 7:23

Shin ah shetkat nak gui nüng cu chang ah puk kyong ung kaa lut lawk ciah kya ne, chang cu shetkat sak ci” cine m’thein gui ci.