MAKUH 7:18 - Cho Bible Common Language 2016

¹⁸ Bawipa Jesuh naw, “Nangmi shin hlawk hngaw kä nami hmat hlawt ci ma?

MAKUH 7:18 Referans Kwoze

HEBRU 5:11

Shin ah a mawng ung ning m’thein gui vai akda om ci, cun ung phi nangmi cu kä nami cüivai ngai ci kyasei, pyeinsak cu kä yäi ci.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

MATTHE 16:11

Ei ei vai ah mawng ka pyein ah kä kyak ci, cicu kä nami hmat ci ma? Pharisee gui la Sadducee gui ah k’caw cu geeik na ne nami hlawi vai nei,” cine pyen na gui ci.

1 KORIN 3:2

Nangmi cu guh ciah ei kä nami ei pha thei ci kya sei, suuktui bäng ka ning tu gui ah kyak ci. Cun ung phi nangmi naw cun hngaw kä nami k’düük m’khüt ci.

JOHAN 3:10

Bawipa Jesuh naw, “Nang cu Israel chang gui ah saya ng’vai ah kia lang ne, cun ka cicu kä na hmat ci ma?

MAKUH 4:13

Bawipa Jesuh naw, “Nangmi cu shin ah m’tumtäng nak hngaw kä nami hmat ung, a i awn m’tumtäng nak nami hmat hlawt khai ang?

MATTHE 15:11

Chang shetkat sak cicu m’gawnglei ung yulut vük ciah kä kiakci, m’gawnglei ungka lut lawk ciah kya ci,” cine kyak na gui ci.

MAKUH 7:17

Cun kawn ah Bawipa Jesuh cu chang gui ah ng’lung ah kaa ng’düi law ba ne, kyong ah lut ba khätah, ang düihpüi gui naw am tumtäng nak ah mawng cu am thein gui vai ah ng’shik ci gui.

MAKUH 7:19

Ak pung lam ah kaa chang ah akyong ah lut ci phung cu chang ah m’lung kyong ung kä gawk hlawt ci, chi-khawn ung gawk netah pumsa ah ak pung ah lut law ba yawp ci. Cun ah kyasei chang ah pumsa kyong ah yulut vük ci naw chang kä shetkat sak hlawt ci, ci cu kä nami hmat ci ma?” cine pyen na gui ci. (Shin ah a pyein nak ung ei man gui phung cu avan ei vai ciah am dang nak ah kiak ci.)