MAKUH 7:13 - Cho Bible Common Language 2016

¹³ Acun ah nangmi naw nami thungyo gui bäng bäng ng’dou ne nami m’theithang nak awn Khanpughi ah thukhän cu nami m’shet ci. A cun ah mäih ah a hei thungyo gui phi nangmi naw akda nami läk ba ci” cine pyen na gui ci.

MAKUH 7:13 Referans Kwoze

MAKUH 7:9

Cun kawn ah mä Bawipa Jesuh naw, “Nangmi naw nami mät ah m’theithang nami läk hlawt vai ah Khanpughi ah thukhän cu, k’phiui hnawk ne nami theileh aih ci nei.

TITUS 1:14

Cun kawn ah Jew chang gui ah puma la düng nak hnu ng’tuk püi ciah chang gui ah thukhän cu kä ami kutshum men ba vai nei.

HOSEA 8:12

Kei naw chang gui ah phäh ah kä kheitai vai ahm’theithang nak cu ka guk ci. Cun ung phi ngami naw akhaw hei, akahnga cine hnungtuk ci gui.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

MAKUH 7:3

Pharisee gui la Jew chang gui cu pupa gui ah thungyo läk ci gui ah chang gui ah kyak ci. Ami kut m’ya avan kä ami m’si ung ei kä ei man ci gui.

MATTHE 15:6

A cu cha ah nangmi cu Khanpughi ah thukhän nawng-en u ne, nami mät ah thungyo cu nami läk ci.

EZEKIEL 18:14

“Tuhbäi shin ah ak hnih nak chang ung a hta pa tumat om khai. Apa naw abi lä ah katnak gui avan cu ani naw hmuk ci, cun ung phi ani naw apa ah bi cu kä läk ci.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

MAKUH 7:5

Cun ah kyasei pharisee gui la thukhän saya gui naw, “A i ah kyasei nang düih püi gui naw pupa gui ah thungyo kä läk u ne, ami kut kä m’si ah ei ami ei ang?” cine Bawipa Jesuh cu ng’shik ci gui.

MAKUH 7:12

ani naw anu pa am hteihtang vai kä hlü ba khai” ciah nami m’thei thang ci.

MAKUH 7:14

Cun kawn ah Bawipa Jesuh naw chang gui cu a pei ah khü ba gui netah, a pyein ba mä cu, “Kei ah ng’thu cu nami van naw ngai ne, hmat yawp vä.

KALATIAN 1:14

Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.