MAKUH 7:10 - Cho Bible Common Language 2016

¹⁰ Moses naw ang thukhän ung, “Nanu la napa cu nak chang m’sui goi vai, anu pa yüigen ciah chang cu sih nak ung hteit sä,” cine pyein ci.

MAKUH 7:10 Referans Kwoze

PHYAWN NAK 21:17

Apa baw, anu baw plah taam ciah chang cu amät ngawn vai.

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

TAIGÜTHUM 20:9

Bawipa naw shin ah thungyo gui cu pe gui ci. A u chang phi anu apa plah ciah chang phung cu, ngawn vai, ani cu amät ah sik nak vai bik ciah kyak ci.

MATTHE 15:4

Khanpughi naw, ‘Nanu la napa cu nak chang m’sui vai, anu pa yüi gen ciah chang cu sih nak gah sä,” cine thu khän ci.

MAKUH 10:19

Chang kä ngawn vai, chang ah chu kä kat püi vai, käm guk vai, käng düng ciah kä saksi vai, kä hleeihlak vai, nupa m’htei vai, ciah thukhän gui cu na hmat ciah kä kya ne ang?” cine kiak nak ci.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

NG'THU K'THUUK~ 20:20

Na nupa na plah taam ung nang ah ghin nak cu hmup khui ung phat ciah mei im ah maih ah ng’pyi khai.

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”