MAKUH 6:48 - Cho Bible Common Language 2016

⁴⁸ Hleiko khan ah kho naw ng’pheet ne khi gui sei, ami yaica cu hmu gui netah Bawipa Jesuh cu tui khan ah m’khan ne hteit ne ami om nak ah lawk ci. Cun ah akhin cu ai khon htük ah kyak ci. Bawipa Jesuh cu ami pei ah phlän gui ne hteit khai ah pawng ci.

MAKUH 6:48 Referans Kwoze

LUKA 24:28

Ami hteh nak vai ah pigaw k’et law u netah, Bawipa cu ng’täi ne hteit khai pawng ci.

LUKA 12:38

Ani cu khocawih ding ah phi bäi, ai khong k’htük ung phi bäi, a law ba ung ngäng ciah chang gui cu yeikyai ci gui.

JOB 9:8

Khanpughi amät bäng naw khankho gui cu yuk khui lawk ci. Tuinu likim ah m’ghuk cu leh ci.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

MATTHE 14:24

Cun yah ung ang düihpüi gui ah hleiko cu tuili lai ah gawk pyi ci. Kho khi ng’hlat sei hleiko cu tui naw hnawk püi ci.

ISAIAH 54:11

Bawipa naw pyen ci, “O, Jerusalem, na yaica ci, m’htei khai kä om ciah mang gaw, nang ning shungvong khai kä om ci nei, kei naw nang ah kho ng’nei cu k’pyülung awn ka co ba khai nei.

SAM 104:3

Na im cu tui ah khan ah na co ci. Kho ng’mei cu ng’se ah mäih ah mang ne khokhi ah ng’phia ung na ng’cum ci.

SAM 93:4

Bawipa naw hlüngtai ne khan kho cu uk ci, Ani cu tuinu ah gaai ah mä dämduh pi ne, tuinu ah ng’hnawh ata hlüngtai pi ci nei.

1 SAMUEL 11:11

Cumü Saul naw achang gui cu thum ah k’pai gui ci. Kho thaih ung ngami naw ga ah phung cu buuk u ne, Ammonit gui cu hnim gui ci gui. Kho hnüüp law sei ami khli ngawn gui ci gui. Ak pawih gui cu püi ci gui, achang sing ami mät phäh phäh dawng ci gui.

ATÜNNAK 32:26

Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

ATÜNNAK 19:2

“Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.

PHYAWN NAK 14:24

A cun hta ng’lung ung Bawipa naw, ng’mei von la meidäi ung om ne, Egypt gakap gui cu yuk teng gui neta, shühkhah sak gui ci.

MATTHE 24:43

Im ah naw m’guk ei a law vai a hmat ung, geing ah ne om sei, m’guk ei naw a im cu hmawng ne käm gu hlawt khai ah nami hmat ci.

MAKUH 6:47

Kho a mühun law yah ung ang düiphüi gui ah hleiko cu tuili lai ah om ci. Bawipa Jesuh läi cu amät kawng ah om shüt ci.

MAKUH 6:49

Ngami naw tui ah khan ah Bawipa Jesuh a hteh cu hmu u netah,

MAKUH 13:35

Nangmi naw imah a i yah ung a gawk law ba vai cu kä nami hmat ci, mü lam ung phi gawk law hning ci, kho cawih ding ah phi gawk law hning ci, ai khong k’htük ung phi gawk law hning ci, kho thaih hta ung phi gawk law hning ci.