MAKUH 6:41 - Cho Bible Common Language 2016

⁴¹ Cun kawn ah Bawipa Jesuh naw m’htut pum hma la nga pahnih cu la netah khankho dang ne Khanpughi ah bämang nak cu m’hlüng tai ci. Cun kawn ah m’htut cu k’bou ne chang gui-am ami tei gui vai ah ang düihpüi gui-am pe gui ci. Acun ah nga pahnih cun phi ang düihpüi gui-am pe gui ci.

MAKUH 6:41 Referans Kwoze

MATTHE 14:19

Bawipa Jesuh naw chang gui cu, taa ng’phan khan ah ngoh sak gui netah, m’htut, pum hma la nga pahnih cu la ne, khankho dan ne Khanpughi m’hlüngtai ci. Cun kawn ah m’htut cu bou ne ang düihpüi gui-am pe gui ci, ngami naw chang gui-am tei gui ci gui.

MAKUH 7:34

Cun kawn ah khan mawpi dan ne, “Ephphatha” cine pyein ci, cun cu “Ng’lang sä” a ciah kyak ci.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

LUKA 9:16

Bawipa Jesuh naw m’htut pum hma la nga hnih cu la netah, M’htut la nga cu k’bou ne chang gui-am ami tei gui vai ah ang düihpüi gui-am pe gui ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;

MAKUH 14:22

Bawipa Jesuh la ang düihpüi gui cu mü-ei ami ei yah ung, Bawipa Jesuh naw m’htut cu la netah Khanpughi m’hlüngtai ne taigü ci. Cun kawn ah m’htut cu k’bou ne, “Shin ah m’htut cu kei ah ka pumsa ah kyak ci, la ne nami ei vai” cine ang düihpüi gui-am tei gui ci.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

ROMAN 14:6

Kho hnüüp k’ni ngaih-tüh ciah chang cu Bawipa am tamkhah nak ah a ngaih-tüh ah kyak ci; a i ei phi ei thei ciah chang cu Bawipa am tamkhah nak ah a ei ah kyak ci, a i ah kya sei ci ung ani naw cun ah ei ah hmawk ah Khanpughi cu m’hlüngtai ci. Ei am shah hlawi ciah chang cun phi Bawipa am tamkhah nak ah a hlawi ah kyak ci, ani naw phi cun ah a hlawi ah hmawk ah Khanpughi cu m’hlüngtai ci.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

JOHAN 6:11

Bawipa Jesuh naw m’htut cu la ne Khanpughi ah taigü netah, chang gui-am tei gui ci. Nga phi la ne tei gui ci.

MATTHE 26:26

Bawipa Jesuh naw ang düihpüi gui awn a täng ah mü-ei ami ei yah ung, m’htut cu la ne Khanpughi m’hlüngtai netah, m’htut cu bou ne, “Shin ah m’htut cu kei ah pumsa ah kyak ci, la ne ei vä,” cine ang düihpüi gui-am tei gui ci.

MATTHE 15:36

M’htut pum chih la nga api cu la ne, Khanpughi ah taigü netah, m’htut la nga cu bou ne ang düihpüi gui-am pe gui sei ang düihpüi gui naw chang gui-am tei gui ci gui.

THULÄÄN NAK 8:10

Nangmi naw nami ng’yak hlü avan nami ei khai, Ani naw a ning pek gui ah ang lei nik ciah khaw ah phäh ah Bawipa nami Khanpughi cu nangmi naw nami m’hlümtai khai.

LAMKTU 27:35

Cun kawn ah Paul naw m’htut cu la ne, ami van ah ma ah Khanpughi m’hlüngtai ne taigü netah, m’htut cu k’bo ne ei ci.

MAKUH 6:40

Chang gui cu hma-kip ni, phia ni ah ang bum phäh phäh ah ngoh sak gui ci gui.

MAKUH 6:42

Chang gui ami van naw ami phü ciah ei ci gui.

MAKUH 8:19

Kei naw chang phia hma-kip-am m’bei vai m’htut pum hma kak bou cu kä nami shüm ba ci ma? Cun ung m’htut ak pawih gui them dawn ung a i chü ang nami kaw ba?” cine ng’shi gui ci. Ang düihpüi gui naw, “Them dawn ung a gha-lei goi ah kami kaw ba ci nei” cik ci gui.