MAKUH 6:39 - Cho Bible Common Language 2016

³⁹ Bawipa Jesuh naw ang düihpüi gui-am, chang gui cu kho adou nak ung ang bum phäh phäh ah ami ngoh sak gui vai ah m’cäi gui ci.

MAKUH 6:39 Referans Kwoze

1 KORIN 14:40

A mawng ammaa avan cu a khüimaai ang käkhtäng ah nami bi vai nei.

1 KORIN 14:33

a i ah kya sei ci ung Khanpughi naw kä ng’khämbawi khai ah bi vai cu kä ng’ya hlük ci, ng’awi ng’gi nak la dimdeeih nak vah ng’ya hlük ci.

MATTHE 15:35

Cun kawn ah Bawipa Jesuh naw chang gui cu m’dek ung ngoh sak gui ci.

1 GHANGPUGHANG GUI 10:5

Cun ah hnumi naw tawnglang ung ami pyan ah buhmeh gui, a bawi gui ah om nak ah im gui, mang im kyong ah bii k’bi gui ami m’düih m’thawh gui, la täng khai ah ami suisak gui, ei awk nak ung ani ngäng ciah changshäm gui, Taigüim kyong ah ami douthak ah khawihnah nak gui cu hmuk ci. Acun naw ani cu kä ng’ghi hlawt khai ah cäi sak ci.

MAKUH 6:38

Bawipa Jesuh naw, “Nangmi ung ei vai m’htut a i chü ang a om, hteit ne teng ba vä” cine pyen na gui ci. Ngami naw hteit ba ne ei vai hmuh u netah, “M’htut pum hma la nga pahnih om ci nei” cine pyein ba ci gui.

MAKUH 6:40

Chang gui cu hma-kip ni, phia ni ah ang bum phäh phäh ah ngoh sak gui ci gui.

LUKA 9:14

(Cun ung chang avan phia-hma-kip lawk ci gui.) Bawipa Jesuh naw ang düihpüi gui-am, “Chang hma-kip ciah ng’bum khai ah ngoh sak gui vä” ci ci.

JOHAN 6:10

Bawipa Jesuh naw, “Chang gui cu ngoh sak gui vä” cik ci. (Cun yah ah ngoh nak vai nep ci.) Cun ah kyasei phia-hma-kip ah däm ciah chang gui cu ngok ci gui.