MAKUH 6:34 - Cho Bible Common Language 2016

³⁴ Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

MAKUH 6:34 Referans Kwoze

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

KHEI NAK 27:17

ani cu ng’tuk nak ung thumkhän hning khai, cun ung na chang bum gui cu htoshäm kä om ciah htome ah mäih ah kä kyak khai gui.”

LUKA 9:11

A cun ah mawng cu ng’ya u netah, chang akda naw a hnu ah läk lawk ci gui. Bawipa Jesuh naw chang gui cu dan gui ne Khanpughi ah uknak kho ah mawng cu m’thein gui ci. Gawpai ci gui phi gai ba sak gui ci.

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.

2 SHONTÄP NAK 18:16

Mikaiah naw, “Israel gakap gui cu khomhtung khan ah htoshäm kä om ciah htome gui ah mäih ah ng’phyüngpai u sei ka hmu gui ci nei. Cun kawn ah Bawipa naw pyen ci. “Shin ah chang gui ung ami ng’vaihta kä om ci, dimdeeih nak awn ami im ah hteh ba sak gui ä” cik ci.

1 GHANGPUGHANG GUI 22:17

Mikaiah naw, “Israel gakap gui cu khomhtung yung ah htoshäm kä om ciah htome gui ah mäih ah püi u sei kei naw ka hmuk ci nei. Cun ung Bawipa naw, “Shin ah chang gui cu ami ng’vai kä om ci nei, akding gei ah ami im ah hteh ba sak gui vä” cik ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

MATTHE 15:32

Bawi Jesuh naw ang düihpüi gui cu khü gui netah, “Shin ah chang gui kei awn a täng ah ami om tu cu hnüüp thum lüng lawk ci nei, Ngami ung ei vai kä om ci, kam gein gui ci nei. A i kä tumbei gui ung ami hteh ba ung lamah ami thagui maih khai nei,” cine kyak na gui ci.

ISAIAH 13:14

“Babilon ung om ciah a khohei chang gui cu ami mät ah khaw ah dawng ba khai gui, sakap ah kut ung ka phyawng ne püi ciah kigang ah mäih, htoshäm kä om ciah htome ah mäih ah kyak khai gui.

EZEKIEL 34:5

A i ah kyasei ci ung htome gui ung htome shäm kä om ci, ngami cu püipiang ci gui, khisa gui naw lo ne ei gui ci gui.

MAKUH 6:33

Cun ah ami hteh cu chang gui naw hmu gui u netah, Bawipa Jesuh la ang düihpüi gui ah hmat gui ci gui. Cun ah kya sei apigaw päng ungka lawk ciah chang gui cu, Bawipa Jesuh ah hteh nak vai lam ah, ng’yung lam ung ak yang ah ana ma u ne, Bawipa Jesuh la ang düihpüi gui kä gawk pha u sei, ana gawk ci gui.

MAKUH 6:35

Khomü hun law khätah ang düihpüi gui cu Bawipa Jesuh ah pei ah law u netah, “Tuhbäi khomü law pyi ci,

MAKUH 8:1

Kä shou pha sei chang khli cu ng’bum law ba ci gui. Cun ah chang gui ami ei vai kä om khätah;

MAKUH 8:2

Bawipa Jesuh naw ang düihpüi gui khü gui netah, “Shin ah chang gui cu kei awn a täng ah kho hnüüp thum om lawk ci gui kya ne ami ei vai kä om ba ci. Cun ah kyasei kei naw kam gein gui ci.