MAKUH 6:20 - Cho Bible Common Language 2016

²⁰ Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MAKUH 6:20 Referans Kwoze

MATTHE 21:26

Chang ah peit ah m’khüt näng nak awn pek ci mi ciah a kyak ung chang gui naw Zohan cu profet tumat ah yum ci gui kya ne, cun ah chang gui cu kyih gui vai kyak ci,” cine ami mät ng’cecäk ci gui.

MATTHE 14:5

Herod naw Johan cu ngawn hlü te ci, cun nung phi Jew chang gui naw Johan cu profet ah k’bäi u khätah, ngah mi cu kyih gui ne kä ngawn ci.

JOHAN 5:35

Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.

MAKUH 11:18

Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.

MAKUH 4:16

Chang amshah gui cu lung hmu ah kya lawk ciah geit m’shi awn täng ci gui, ngami cu Khanpughi ah ng’thu ami ng’yak vai-am yeikyai ne dou ci gui.

DANIEL 5:17

Daniel naw m’shang ne, “Na m’cümhnah nak gui cu na mät naw kaa ei na ä, kä cun ung tumat mat am pe en ä, Kei naw cun ah guk ah ca cu phat neta a mawng cu ka ning m’thein khai nei.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

DANIEL 4:18

“Shin cu kei ah mang nei,” cine, ghangpughang Nebukhadnezzar naw pyen ci, “Tuhbäi Belshazzar aw, cun ah mawng cu na m’thein ä, ka bawimang gui a u naw phi kä na m’thein hning ci nei, cun ung phi nang naw na hmat hning khai, a i ah kyasei ci ung theingcim ciah Khanpughi ah mümcha cu nang ung om ci.”

EZEKIEL 33:32

Ngami ah phäh nang cu yumhni nak ah ng’äi gui m’cu ne, tingtäng tum ne na ng’äi gui nakhin ah ciah mäih ah kyak ci. Ngami na ng’thu avan cu ngai te ci gui, tumat hta phi kä läk ci gui.

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.

2 SHONTÄP NAK 24:2

Ani naw Taigü Jehoiada a ghin ah chuih Bawipa naw amhni vai ah bik ci.

2 GHANGPUGHANG GUI 13:14

Prophet Elisha cu gawpyam ne ng’yän ci. Ani si hlü ne ang yän yah ung Israel ghangpughang Jehoash cu om law tuk ci. Ani naw kyap neta, “Kapa, Kapa! Nang cu m’gäi ne, Israel ghung ciah na kyak ci nei!” cik ci.

2 GHANGPUGHANG GUI 6:21

Israel ghangpughang naw Sirian gui cu hmu law gui neta Elisha cu ng’shik ci, “Bawi aw, shin gui ka ngawn gui vai ang? Ka ngawn gui vai ang?”

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

PHYAWN NAK 11:3

Bawipa naw, Israel chang gui cu Egypt chang gui naw ami chang m’sui gui vai ah bik ci. Akcang ah bawi gui la chang avan naw Moses cu, chang m’gäi chang küikyang ah kyak ci, ciah k’bäi ci gui.

LAMKTU 2:12

Ngah mi cu ang’htei ah cäicat u ne tah, “Shin ah mawng cu a i hawk cha leng leng ang? cine ami mät ng’ce cäk ci gui.

LAMKTU 5:24

Cun ami cicu Taigü khem lah m’kawt ngäng ciah ang vaipi naw ng’yak ni netah, “Shin ah mawng cu a i hawkcha ang cineh ngai khit ci gui.