MAKUH 6:15 - Cho Bible Common Language 2016

¹⁵ Chang am shah naw ani cu, “Elijah nei” cik ci gui. Chang am shah naw, “Ani cu, cäu profet gui man ah mäih ah kyak ciah profet nei” cik ci gui.

MAKUH 6:15 Referans Kwoze

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

MAKUH 8:28

Ang düihpüi gui naw, “Chang amshah naw nang cu; Tuihnim Johan nei cik ci gui, chang amshah naw, ‘Elijah’ nei cik ci, chang amshah naw’ profet tumat nei’ cik ci” cine pyein ci gui.

MATTHE 16:14

Ang düihpüi gui naw, “Chang amshah naw ‘Tuihnim Johan’ cik ci, amshah naw, ‘Elijah’ cik ci, amshah naw Jeramaih kä cun ung profet ah kyak khai,’ cine pyein ci gui nei,” cik ci gui.

MALAKHI 4:5

“Cun ung phi küikyang ci la kyihkyawk nak vai ah Bawipa ah law nak kä ak phaa law pha ung kei naw prophet Elijah cu ka ning tüih law pe gui khai.

JOHAN 9:17

Pharise gui naw, amik m’dauh te ciah chang-am, “Na mik ning m’dei ba sak cicu a u chang ang?” cine ng’shi ba ci gui. Cun ah chang naw, “Ani cu profet nei” cine m’thein ba gui ci.

JOHAN 7:40

Chang khli ungka chang akda naw Bawipa Jesuh ah ng’shäu cu ng’ya u netah, “Shin ah chang cu profet akcang ah kyak ci nei” cik ci gui.

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

JOHAN 1:25

Elijah ah phi kä na kyak ung, profet ah phi kä na kyak ung, a i vai tuihnim nak na peit ang?” cik ci gui.

JOHAN 1:21

Ngami naw, “Cun ung nang a u ang? Nang Eliah ma?” cine ng’shi ba ci gui. Johan naw, “Kei cu Eliah ah kä ka kya ci nei” ci ba ci. Cun ung nang profet ma cine ng’shi ba mä u sei phi, “Ka nei” ci ba ci.

LUKA 9:19

Ang düihpüi gui naw, “Chang amshah naw tuihnim Johan nei cik ci, chang amshah naw Elijah nei ci ci, chang amshah naw cau kaa ghing ne law ba ciah Profet nei cik ci” cine pyein ci gui.

LUKA 9:8

Am shah naw, “Elijah law ba ci nei” cik ci, amshah naw, “Cau profet tumat ghing ba ne law ba ci nei” cik ciah ami pyein gui cu Herod mang naw ng’ya netah,

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

LUKA 7:16

Chang gui cäicat u netah mikmi ung profet mang tumat dang law pyi ci nei, Khanpughi cu akchang gui hun khai ah law pyi ci nei” cine Khanpughi cu m’hlüngtai ci gui.

LUKA 1:17

Ani cu Bawipa ah lam ung lam ma ciah kya ne, profet Elijah ah mäih ah khüighaat ne hlüngtai khai. Ani naw pa la hta atäng ah om ba sak goi khai; ani naw ng’thu kä ngai ciah chang gui düng ciah lu ng’lang nak ung ng’hlah law ba sak gui khai; Khanpughi ah hmawk ah ng’düi ge khai gui ah Bawipa ah chang gui cu ana m’cäi gui khai,” cine pyein ci.

MAKUH 6:16

Herod naw Bawipa Jesuh ah bilawh gui ah a mawng cu ng’ya netah, “Ani cu Tuihnim Johan nei, kei naw alu kam chün te tuhbäi ghing ba pyi ci nei” cik ci.