MAKUH 6:14 - Cho Bible Common Language 2016

¹⁴ Bawipa Jesuh ah a mawng cu kho nüng ung thang law sei, Herod ghangpughang naw phi ng’ya tuk ci. Chang am shah naw Bawipa Jesuh-am, “Tuihnim Johan sih nak ungka tho ba ci nei, cun ah kia ne cäi aih vai gui phi m’dang ci nei” cine kyak ci gui.

MAKUH 6:14 Referans Kwoze

1 THESSALONIAN 1:8

Bawipa ah mawng Thu Ni nangmi ung dang cicu Macedonia la Achaia kho avan ung gawk ci, cun bäng ah kä kyak ciah Khanpughi ung nangmi ah yum nak cun phi kho nüng ah gawk ci. Cun ah kiasei keimi naw a i kami pyein vai kä om ci.

LUKA 13:31

Cun yah ung Pharisee gui law u ne, “A hei lam ah hteit ne om mei ä, Herod mang naw ning ngawn khai pawng ci nei” cik ci gui.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

MAKUH 8:28

Ang düihpüi gui naw, “Chang amshah naw nang cu; Tuihnim Johan nei cik ci gui, chang amshah naw, ‘Elijah’ nei cik ci, chang amshah naw’ profet tumat nei’ cik ci” cine pyein ci gui.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

MAKUH 1:28

Acun vai-am Bawipa Jesuh ah a mawng cu Kalile kho avan ung pigaw gui yung pum ah thang lawk ci.

MATTHE 9:31

Cun ung phi ngahni cu ani hteh ba vai-am Bawipa Jesuh ah a mawng cu, cun ah kho avan ung thang khai ah pyein ci goi.

2 SHONTÄP NAK 26:15

Jerusalem ung pyangtham ci gui naw lim’la gui kah nak vai la lungnu gui yuk vawih nak vai cu mang gaw pang ah tänghän gui la angkit gui ung om ne bi vai ah pyang ci gui. Kho nü ung ani ah mingthang ci. Khanpughi ungka a gah ah bawm nak awn ani cu anghtei ah huham mah lawk ci.

2 SHONTÄP NAK 26:8

Ammonit gui naw Uzziah am akhon pe law u sei, ani cu huham mah law ne, Egypt khaw güt ah ang ming thang lawk ci.

LUKA 9:19

Ang düihpüi gui naw, “Chang amshah naw tuihnim Johan nei cik ci, chang amshah naw Elijah nei ci ci, chang amshah naw cau kaa ghing ne law ba ciah Profet nei cik ci” cine pyein ci gui.

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

LUKA 7:17

Bawipa Jesuh ah a mawng cu Judah khopäng la a pei leng avan ung gawk yawp ci.