MAKUH 6:12 - Cho Bible Common Language 2016

¹² Ang düihpüi gui cu hteit u ne chang gui ami katnak ung kaa ami ng’yu ba vai ah ng’thu pyein ci gui.

MAKUH 6:12 Referans Kwoze

MATTHE 4:17

Cun ung tüi ne Bawipa Jesuh naw, “Nami shetkat nak ng’nü ung ng’yu ba vä, khankho uknak ng’et law pyii ci nei” ci ne ng’thu pyein lawk ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

LUKA 13:3

Cun ah mäih ah nangmi phi kä nami ng’yu ba ung sih maih nak ung nami gawk khai.

LUKA 11:32

Ng’thu m’chaa nak ah kho hnüüp Nineveh chang gui naw ng’düi law u neh nangmi cu ning k’shedam na gui khai gui nei, a i ah kia sei ci ung ngami cu Johan ah ng’thu ng’ya u ne, ami katnak ung kaa ng’yu ba pyii ci gui ah kyak ci. Kei naw akcang ka pyein cu, thubäi shin ung Jonah ah hlüngtai pi ci gawk law ci nei.

MATTHE 3:8

Akcang ah nami ng’yu ba ah mawng cu nami om ih awn nami m’dang vai nei.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

EZEKIEL 18:30

“Tuhbäi, kei, uktu Bawipa naw ka ning m’thein gui ci, Israel gui, nangmi a chang sing cu, kei naw amät ah bi phäh phäh awn ka ning m’kyuk gui khai. Nami bilawk ah akshe avan ungka ng’hlat law ba vä, name katnak naw kä ning m’di en gui sä.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

LUKA 15:7

Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

LUKA 13:5

Ngami cu kat nak bi pi ci gui ah kä kyak ci, ci cu ka ning m’thein gui hlük ci. Cun ung nangmi phi kä nami ng’yu ba ah a kiak ung ngami ah mäih ah nami si tuk khai” cik ci.

MAKUH 1:15

Bawipa Jesuh naw, “Akhin cu küm pyi ci nei, Khanpughi ah uknak kho cu ng’et lawk ci nei, nami katnak gui nüng ung ng’yu ba ne Thu Ni cu yum tu vä” cine pyein ci.

MATTHE 11:20

Bawipa Jesuh naw cäi aih gui vai am dang nak pyii ah pigaw gui cu, katnak ungka ng’yu ba nak kä om khätah, shin ah yüi ne m’cäi gui ci.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

LUKA 9:6

Ang düihpüi gui cu ng’düi law ne hteit ne apigaw päng ung hun nak Thu Ni ng’shäu ne pyein u ne, gawpai ci phi gai sak ci gui.

MAKUH 1:3

Bungpuk ah ng’shä cicu na ma ung ka tüi khai nei, Bawipa ah law nak vai ah lam cu pyang tham ge vä; Ani ah hteh nak vai ah lam cu düng sak ge vä’ cine pyein ci.

MATTHE 11:1

Bawipa Jesuh naw cun ah ang düihpüi gha-lei-goi cu m’cäi gui netah, acun ah kho pei yung pigaw gui ah ng’thu pyein ne m’theithang gui khai ah hteit ci.