MAKUH 5:43 - Cho Bible Common Language 2016

⁴³ Bawipa Jesuh naw, “Shin ah a mawng cu a u-am phi kä nami m’thein-en vai” cine ak tung ah khän gui netah, “Hnumi hta-am ei m’bei vä” cine pyen na gui ci.

MAKUH 5:43 Referans Kwoze

MATTHE 8:4

Bawipa Jesuh naw, “Shin ah mawng cu a u-am kä nam thein-en vai, cun ung phi taigü ng’vai ah hteit ne na pumsa cu nam hnuh vai, cun kawn ah na gai nak ah mawng ang dang vai ah Moses ah thukhän ah mäih ah peit taak nak na bi vai,” cine pyen nak ci.

MAKUH 7:36

Bawipa Jesuh naw cun ah a mawng gui cu, a u-am phi kä ami m’thein-en vai ah m’yih sak gui ci. Cun ah Bawipa Jesuh naw m’yih sak gui sei phi, chang gui naw acun ah mawng cu pyein law pi k’täi ci gui.

MAKUH 1:43

Acun vai-am Bawipa Jesuh naw ak yä ah a hteh ba vai ah m’cäi netah,

MATTHE 9:30

ani mik cu acun vai-am m’dei lawk ci. Bawipa Jesuh naw, “Shin ah a mawng cu a u-am kä nani m’thein-en vai,” cine khän ne m’cäi goi ci.

JOHAN 5:41

“Chang ah m’hlüngtai vai kei naw kä ka ng’ya hlük ci,

LUKA 8:56

Anu pa gui cu ang htei ah cäicat ci gui. Cun ung phi shin ah amawng gui kä ami pyein sak vai ah ng’thu khän gui ci.

LUKA 5:14

Bawipa Jesuh naw, “Shin ah mawng cu a u-am kä nam thein-en vai nei, taigüpa ah yäih ne hteit ne, na pumsa na teng sak vai, cun ung chang van naw na gai ah mawng hmat tuk khai gui. Cun kawn ah Moses ah thukhän ah mäih ah peit taak nak na bi vai nei” ci ne pyen nak ci.

MAKUH 3:12

Bawipa Jesuh naw mümcha she gui cu, ani a u ah a kyak ah mawng m’dang ne kä ami pyein vai ah khän ne k’bäi gui ci.

MATTHE 17:9

Cun kawn ah Bawipa Jesuh la ang düihpüi gui cu, khomhtung ah kaa kyum law ba ci gui. Ami kyum law ba yah ung Bawipa Jesuh naw, “Tuhbäi nami hmuh gui cu, chang ah Htapa sih nak ungka a thawh law ba ung khüt sei, a u-am kä nami m’thein vai,” cine ang düihpüi gui-am m’yih sak gui ci.

LAMKTU 10:41

Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

MAKUH 5:42

Bawipa Jesuh naw cun a ci vai-am, hnumi hta cu tho law ne hteit ci. (Cun ah hnumi hta cu akho kum gha-lei-goi lawk ci), Cun hmu netah chang gui cu ang htei ah cäicat ci gui.

MAKUH 9:9

Cun kawn ah Bawipa Jesuh la ang düihpüi gui cu khomhtung khan ah kaa kyum law ba ci gui. Cun ah ami kyum law ba yah ung Bawipa Jesuh naw, “Nangmi naw tuhbäi nami hmuh cu, chang ah Htapa sih nak ungka kä a thawh ba pha ah chuih, a u-am phi kä nami m’thein-en vai” cine ang düihpüi gui cu khän ne m’cäi gui ci.