MAKUH 5:41 - Cho Bible Common Language 2016

⁴¹ Bawipa Jesuh naw hnumi hta cu a kut ung k’pang netah, “Talitha, koum” cine kyak nak ci (Cun cu hnumi hta, na thawh law vai, kei naw ka pyein ci, a ciah kyak ci.)

MAKUH 5:41 Referans Kwoze

MAKUH 1:31

Bawipa Jesuh naw a pei ah hteit netah, a kut ung pang ne m’tho ne gai sak sei, cun ah hnumi naw ngami cu khin chah na gui ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

ROMAN 4:17

Cun cu cacim theing ung, “Kei naw nang cu chang pakhui-van ah pa ah ka ning pyang ci nei,” cine a pyein ah mäih ah kya ci. Cun ah kya sei Khanpughi ah shaitaak cu kümbe ci. Khanpughi cu Abraham ah ngaih u, sik ciah chang gui ghin ba sak ci la, kä ng’tüi om man ci gui ng’tüi om sak ciah Khanpughi ah kyak ci.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

ATÜNNAK 1:3

Khanpughi naw, “Kho dei sä” ci sei, kho dei lawk ci.

MAKUH 1:41

Bawipa Jesuh naw m’gein netah, a kut awn nüm ne tawk ne, “Kei naw kang yak hlü om ci nei, theek ne gai ä” cik ci.

MAKUH 5:40

Cun ci khätah chang gui naw Bawipa Jesuh cu päipih ci gui. Bawipa Jesuh naw chang gui avan ak pung ah hteh sak gui netah, cun ah hnumi hta ah anu la apa ni, ang düihpüi chang sing thum bäng khü gui ne, hnumi hta ami m’shän nak ah kyong ah va lut ci gui.

MAKUH 5:42

Bawipa Jesuh naw cun a ci vai-am, hnumi hta cu tho law ne hteit ci. (Cun ah hnumi hta cu akho kum gha-lei-goi lawk ci), Cun hmu netah chang gui cu ang htei ah cäicat ci gui.