MAKUH 5:37 - Cho Bible Common Language 2016

³⁷ Cun kawn ah Peter, James la anau Johan gui bäng khah püi gui ne hteit ci.

MAKUH 5:37 Referans Kwoze

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

MAKUH 14:33

Cun kawn ah Peter, James la Johan ni gui cu, a hteh nak ah khah püi gui ci. Bawipa Jesuh cu ang htei ah yaica ng’ä ng’ai netah,

2 KORIN 13:1

Tuhbäi kei cu ak thum vei nak ah nangmi ah ka lawk khai nei. Cacim naw, “Amawng ama phung cu chang hnih thum a saksi ung vah m’khoichaa vai” ciah pyein ci.

MAKUH 9:2

Cun ung ka naw hnüüp chuk lüng khätah Bawipa Jesuh naw, Peter, James la Johan ni bäng khah püi gui ne, hlüng ciah khomhtung ah kai püi gui ci. Acun vai-am ami hmuh ge ah Bawipa Jesuh ah müi hmai cu ng’khuk hlat lawk ci.

LUKA 8:51

Bawipa Jesuh cu pum im uk ciah im ah a hteh yah ung Peter, Johan, James lacun ah ak hmaw ah nu la pa bäng kyong ah luh püi gui ci. Cun ah hnumi hta sik ci kyasei chang akda cu kyap ci gui.

MATTHE 17:1

Ak hnüüp chuk nak ung Bawipa Jesuh naw, Peter ni, James la anau Johan ni cu khah püi gui ne khomhtung ah kai püi gui ci.

MATTHE 26:37

Peter la Zebedee ah hta goi cu khah püi gui ci. Bawipa Jesuh cu ang htei ah am lung kä ding gei sei yaica aih netah;