MAKUH 5:29 - Cho Bible Common Language 2016

²⁹ Bawipa Jesuh ah asui cu va tawk ci, acun vai-am asi cu kik ne a gaw nak maih sei a gai ah mawng cu ang ghit ah hmat ci.

MAKUH 5:29 Referans Kwoze

MAKUH 5:34

Bawipa Jesuh naw, “Kahta hnumi na yum nak naw ning gai sak pyi ci, dimdeeih nak awn hteit baä, na katnak maih yawp sä” ci ne kiak nak ci.

MAKUH 3:10

Bawipa Jesuh naw gawipai ciah chang akda gai ba sak ci kya sei, gawpai ciah chang gui cu Bawipa Jesuh va tawn khai gui ah vang tawn vük ci gui.

SAM 103:3

Ani naw ka katnak gui avan cu na m’gein sei ne, ka nat nak gui avan cu na gai sak ci.

SAM 30:2

O Bawipa, ka Khanpughi, Na nam htei vai ah kyap ne ka ning yoi ci nei, nang naw na nam gai ci,

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

SAM 107:20

Ani naw a thukän awn gai sak gui ne, ng’cim hmun ungka hun gui ci.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

1 GHANGPUGHANG GUI 8:37

Kho ng’lei ung ei kho ayaw ung phi kia, leigai acun yah ung phi kia, geitkaw gui cu khawkhi ng’ling naw a plawh ung, Khanpeh naw a ei ung, käcung na chang gui cu ami ga gui naw atuk law gui ung, käcung ami ng’lung ah gawnak nat nak a om law ung,

TAIGÜTHUM 20:18

Pami tumat cu a chashui law yah ciah hnumi awn ani ng’yawpawm ah a kyak ung, ani nik hnih cu chang bum ungka naw k’täm goi vai. A i ah kyasei ci ung ngani cu kä theingthap ciah mawng thungyo m’sheit ci goi ah kyak ci.

LUKA 7:21

Cun yah ung Bawipa Jesuh naw chang akda cu gawpai nak natnak gui ung gai sak gui ne, khoshe phi k’täm ci, amik m’dauh phi m’dei ba sak ci.

MATTHE 9:20

Kho kum gha-lei-goi ung asi ng’chawt sei gaw ciah hnumi tumat cu, Bawipa Jesuh ah hnu ah hei k’et netah,

MAKUH 5:28

“Bawipa ah a sui pang ka tawn ung ka gai khai” ci ne, amät ng’htau ne, chang gui ah ng’lung ah ng’tawn tu ne, Bawipa ah hnu ah gawk lawk netah;

TAIGÜTHUM 14:48

Taigü naw law ne a teng law ung, im cu hluk ba kawn ah kheilei kä ang dang ba ah a kyak ung, ani naw im cu theingthap ci, cine ang ng’shäu vai. A i ah kyasei ci ung kheilei cu maih khai ah heng pyi ah kyak ci.