MAKUH 5:23 - Cho Bible Common Language 2016

²³ Ani naw Bawipa Jesuh cu hmu netah, akho pei ah kawp ne, “Kei ah ka htahnumi hta cu gaw ne si law ge vai ci nei, na bä ni, law ne ak khan ah na kut taih ne, nak taigü law pe ä, cun ung gai ba ne ghing ba khai nei” cine ng’huipa ne ng’yoi ci.

MAKUH 5:23 Referans Kwoze

LUKA 13:13

ak khan ah a kut taih sei, ani cu acun vai-am ak khei yäih ba sei gai ba ne, Khanpughi m’hlüngtai ci.

LUKA 4:40

Khohni a sip kawn ah chang gui naw akgaw gui akda law püi u sei, ak gaw gui ah khan ah tän ne a kut taih ne gai sak gui ci.

MAKUH 16:18

Ngami naw k’phyu k’nget ami k’pan ung phi bäi, sih nak vai ah ng’tuui tui ami awk ung phi bäi, ngami ung sih nak kä om khai. Gawpai ci gui ah khan ah ami kut taih ne gai sak gui khai gui” cine m’thein gui ci.

LAMKTU 28:8

Publius ah a pa cu a pawi na sei gaw ne ng’yän ci. Paul cu ani ah im kyong ah lut ne taigü ci. Cun kawn ah ani ah khan ah a kut taih ne gai ba sak ci.

LUKA 4:38

Bawipa Jesuh cu pum im ungka kyum law ba ne, Simon ah im ah hteit khätah, Simon ah akchu ah anu, ang htei ah gaw sei anam htei ci gui.

MAKUH 8:23

Bawipa Jesuh naw a mik m’dauh cu a kut awn k’pang ne pigaw k’pung ah hteh püi ci. Acun ah mik cu am shi awn m’thawh netah, ak khan ah a kut taih ci. Cun kawn ah, “Tuhbäi na hmuk ci ang?” cine ng’shik ci.

MAKUH 7:32

Chang gui naw pang ne ang ciah chang tumat cu law püi u netah, “Ani ah khan ah na kut taih pe ä” cine ng’yoi ci gui.

LUKA 7:12

Gaw m’kawt pei ah ami gawk law yah ung chang gui naw gook kawt ne ana luh law püi u sei chang akda naw ana läk lawk ci gui. Cun cu hmeinu ah a hta tumat hta te sik ciah kyak ci.

MAKUH 6:13

Khoshe akda phi k’täm ci gui. Gawpai ciah chang akda cu khitui awn hluk ne gai sak ci gui.

MATTHE 8:3

Bawipa Jesuh naw a kut k’phiaat ne hei tawn netah, “Ka ng’yak hlü om ci nei, theingthap sä,” cik ci. Acun vai-am cun ah chang cu theek ne gai ba ci.

SAM 107:19

Ami geinvai nak ungka naw Bawipa cu khü u sei, ami yaica nak ungka ani naw hun gui ci.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

2 GHANGPUGHANG GUI 5:11

Naaman cu anghtei ah m’lungshe neta, “Ani cu lut law ne, Bawipa a Khanpughi ah taigü ne, akhei nak ah khan ah a kut väng ne, kei na gai sak khai ah ka ngai ci nei!

LAMKTU 9:17

Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci.

LAMKTU 6:6

Zum ci gui naw cun ah chang gui cu, ang düihpüi gui ah pei ah law püi u khätah ami khan ah ami kut taih ne taigü pe gui ci gui.

JOHAN 11:3

Cun ah ng’pai nau goi naw, “Bawipa, nang naw nam hni ah chang cu gaw ci nei” cine chang m’cäi lawk ci goi.

MAKUH 5:24

Cun ah kyasei Bawipa Jesuh cu Zairus awn a täng ah hteit tuk ci. Chang khli naw a hnu ah läk law u ne, Bawipa Jesuh cu net hngaw ne hteit ci gui.

LAMKTU 8:17

Cun kawn ah Peter lah Johan naw ami khan ah ani kut taih ni khä tah ngah mi cu Mumcha Theing gah ci gui.

LAMKTU 9:12

ang muimang ung, Ananias ming nak ciah chang law neh, ak khan ah akut taih khätah amik m’dei law ba ciah, hmuh pyi ci nei” ci neh pyen nak ci.